পূৰ্বতে বিৰাট অস্থিৰতা সৃষ্টি হৈছিল। কিন্তু তাৰ ৰেশ এতিয়াও মাৰ যোৱা নাই। হঠাৎ নেতৃত্বৰ পৰা ৰোহিত শৰ্মাক অপসাৰণৰ ফলত ক্ৰিকেট জগতত ধুমুহাৰ সৃষ্টি হৈছিল। মুম্বাই ইণ্ডিয়ানছৰ অধিনায়ক হিচাপে হাৰ্দিক পাণ্ডিয়াক ঘুৰাই অনাৰ লগে লগে বিতৰ্কৰ সৃষ্টি হৈছিল।
বৰ্তমান ৰোহিতে সন্মান হেৰুৱাই হাৰ্দিকৰ নেতৃত্বত খেলিব নে নাই তাৰেই জল্পনা-কল্পনাৰ সৃষ্টি হৈছে। অম্বতি ৰায়ুডুৱে নিজেই এইবাৰ ৰোহিতলৈ বাৰ্তা প্ৰেৰণ কৰিছে।
তাৰকা বেটছমেনগৰাকীয়ে এক সংবাদ মাধ্যমক জনাইছে যে ৰোহিতে এতিয়াও আই পি এলত ৫-৬ বছৰ খেলিব পাৰিব। মুম্বাইৰ হৈ সকলো কৃতিত্ব অৰ্জন শেষ হৈছে। গতিকে যদি তেওঁ চেন্নাই ছুপাৰ কিংছ (চি এছ কে)ৰ জাৰ্চিত যোগদান কৰে তেন্তে ই আকৰ্ষণীয় হ’ব।
লগতে পঢ়কঃ অৰুণাচলত প্ৰধানমন্ত্ৰী মোদীৰ ছেলা সুৰংগ উদ্বোধনৰ পিছতে চীনৰ কূটনৈতিক প্ৰতিবাদ
আই পি এলৰ কেৰিয়াৰৰ অন্ত পৰাৰ ক্ষণত ধোনী। ধোনীৰ অৱসৰৰ পিছত ৰোহিতক নেতা হিচাপে চাব পাৰিনে? ৰায়ুডুৱে কয় যে মই তেওঁক চি এছ কেৰ হৈ খেলা চাব বিচাৰো। যদি তেওঁ অধিনায়ক হ’ব লাগে তেন্তে বিশ্বৰ যিকোনো ঠাইতে নেতৃত্ব দিয়াৰ ক্ষমতা তেওঁৰ আছে। কিন্তু এইটো সম্পূৰ্ণ ৰোহিতৰ সিদ্ধান্ত। মুম্বাইৰ বাবে তেওঁ সকলো অৰ্জন কৰিছে। গতিকে তেওঁ চি এছ কেলৈ যাব পাৰে।”
ৰোহিতৰ নেতৃত্বৰ হেৰুওৱাক লৈ বিতৰ্ক শান্ত হোৱা নাই। যদিও ৰোহিতে নিজে মুখ মেলিব পৰা নাই, তথাপিও মুম্বাইৰ বাকী তিনিটা স্তম্ভ ঈশান কিষাণ, সূৰ্যকুমাৰ যাদৱে মুকলিকৈ অসন্তুষ্টি প্ৰকাশ কৰিছে। আনকি ৰোহিতৰ পত্নী ঋতিকাৰ বাউচাৰৰ বক্তব্যৰ তলত ‘কিমান কথাৰ ভুল ব্যাখ্যা কৰা হৈছে’ বোলা মন্তব্যত ধুমুহাৰ সৃষ্টি হৈছিল।
মুম্বাইৰ প্ৰশিক্ষক মাৰ্ক বাউচাৰে স্পষ্ট কৰি দিছে যে নেতৃত্বৰ বোজাই ৰোহিতৰ বেটিঙত প্ৰভাৱ পেলাইছে। গতিকে তেওঁক কেৱল বেটছমেন হিচাপে মুক্তভাৱে খেলোৱাৰ সিদ্ধান্ত লোৱা হৈছে। অৱশ্যে ৰায়ডুৰ এই মন্তব্যই ৰোহিত নেতৃত্বৰ বিতৰ্কত নতুকৈ ইন্ধন যোগাইছে।
