আমূল গাখীৰৰ গ্ৰাহকসকলৰ বাবে ভাল খবৰ। দাম কমিব আমূল গাখীৰৰ। তিনি প্ৰকাৰৰ গাখীৰৰ দাম একেলগে হ্ৰাস কৰা কৰিছে কোম্পানীটোৱে। শুকুৰবাৰে কোম্পানীটোৱে এক অধিসূচনাযোগে এই কথা ঘোষণা কৰে।
আমূল গ’ল্ড, আমূল তাজা আৰু আমূল চাহ – এই তিনিওটা সামগ্ৰীৰ দাম প্ৰতি লিটাৰ পেকেটত এটকাকৈ হ্ৰাস কৰা হৈছে।
এতিয়ালৈকে এক লিটাৰ আমূল গ’ল্ডৰ মূল্য আছিল ৬৬ টাকা, কিন্তু এতিয়া ৬৫ টকালৈ হ্ৰাস কৰা হৈছে।
আমুল তাজা ৫৪ টকাৰ সলনি ৫৩ টকালৈ হ্ৰাস কৰা হৈছে।
তেনেকৈ আমূল চাহৰ দাম আছিল ৬২ টকা। সেই অনুসৰি নতুন মূল্য হ’ব ৬১ টকা।
উল্লেখ্য যে যোৱা বছৰৰ জুন মাহত আমূলে সমগ্ৰ দেশতে গাখীৰৰ দাম বৃদ্ধি কৰিছিল। তেতিয়া প্ৰতি লিটাৰত ২ টকাকৈ মূল্য বৃদ্ধি কৰা কৰিছিল। কোম্পানীটোৱে উল্লেখ কৰিছিল যে পূৰ্বৰ তুলনাত উৎপাদনৰ লগতে বিতৰণৰ ব্যয় বৃদ্ধি পাইছে। গতিকে তেওঁলোকৰ হাতত গাখীৰৰ দাম বৃদ্ধি কৰাৰ বাহিৰে আন উপায় নাছিল। কিন্তু নতুন বছৰৰ আৰম্ভণিতে ১ টকাকৈ দাম হ্ৰাস কৰি গ্ৰাহকক কিছু সকাহ প্ৰদান কৰিলে কোম্পানীটোৱে।
