২০২১ চনৰ বিধান সভা নিৰ্বাচনত পূৱ গুৱাহাটী সমষ্টিৰ পৰা এ পি ডব্লিউৰ সভাপতি অভিজিত শৰ্মাক প্ৰাৰ্থী নিজকে প্ৰক্ষেপ কৰিব বিচৰা বুলি দাবী কৰিছে এ পি ডব্লিউৰ সাধাৰণ সম্পাদক ধ্ৰুৱজ্যোতি তালুকাদাৰে।
নৰ্থ ইষ্ট নাওলৈ প্ৰেৰণ কৰা এক বিজ্ঞপ্তিত তালুকদাৰে কয় ‘পুৱ গুৱাহাটী বাসী ৰাইজে বিচাৰিছে পৰিবর্তন। তথাকথিত ৰাজনীতিৰ খোৱা কামোৰাৰ সুঁতি এৰি অসমৰ অন্যতম শিক্ষিত মানুহৰ সমষ্টি পূৱ গুৱাহাটীবাসী ৰাইজে পূৱ গুৱাহাটীত শৈশৱ কৈশোৰ যৌৱন অতিবাহিত কৰা আভিজিৎ শৰ্মাক পূৱ গুৱাহাটীবাসী ৰাইজে বিধায়ক হিচাপে বিচৰা কথাটোক গুৰুত্বসহকাৰে লোৱাটো সাময়িক ৰাজনীতিৰ গুৰুত্বপুর্ণ ঘটনা হিচাপে পৰিগণিত হৈছে।‘
তেওঁ আৰু কয় ‘এন আৰ চি, নদীবান্ধ আদি বিষয়ত গাঁথিৰ ধন ভাঙি মহামান্য উচ্চতম ন্যায়ালয়ত জাতিৰ হকে সাহসেৰে থিয় হোৱা অল্পভাসী অথচ যুক্তিসংগত আভিজিৎ শর্মাৰ প্রতি ৰাইজে এই আহ্বান জনাইছে।
ইপিনে, ৰাইজৰ এই আহ্বানত আৱেগিক হৈ পৰা বুলি উল্লেখ কৰি বিজ্ঞপ্তিত তালুকদাৰে লিখি কয়, ‘আভিজিৎ শৰ্মাই আমাক জনায়, “জন্মৰে পৰা যিখিনি মানুহে সুখে দুখে বেমাৰে আজাৰে চিৰদিন মোৰ সতে থিয় হৈ মোক জাতিৰ হকে যুঁজিবলৈ উদ্বুদ্ধ কৰিছে তেওলোকৰ আহ্বানক উপেক্ষা কৰিবলৈ মোৰ প্ৰয়াত অভিভাৱকে মোক শিকোৱা নাই।‘
‘মোৰ কাম আগবাঢ়ি যোৱা আৰু জাতিটোক আগুৱাই লৈ যোৱা। এনে আহ্বানক মই কেতিয়াও অসহযোগ কৰা নাই আৰু ভৱিষ্যতে কৰাৰ প্রশ্ন ও নাহে!’ অভিজিত শৰ্মাৰ প্ৰতিক্ৰিয়া উল্লেখ কৰি এই কথা জনায় তালুকদাৰে।
তেওঁ আৰু লিখি কয় ‘এখন সৎ দুর্নীতিমুক্ত অসম গঢ়াৰ ক্ষেত্রত আমাৰ আসাম পাব্লিক ৱর্কছৰ যি যুদ্ধ সেয়া আমাৰ আজীৱন চলি থাকিব। পুৱ গুৱাহাটীবাসী ৰাইজৰ প্রতিটো আশা আকাংক্ষাক মৰ্যদা দি সামগ্রীক ভাবে স্বদেশ স্বজাতিৰ উন্নয়নৰ কাম কৰি থকাটো আমাৰ আজীৱন সংকল্প।