তিনিচুকীয়া জিলাৰ অসমৰ চুবুৰীয়া ৰাজ্য অৰুণাচলৰ প্ৰদেশ চাংলাং জিলাৰ বৰডুমচাত পথ দুৰ্ঘটনাত পতিত হৈ এজন সেনা জোৱানৰ মৃত্যুৰ বাতৰি পোৱা গৈছে ৷
নিহত সেনা জোৱান জনৰ নাম জৌখুমগাম খাছা। তেওঁ অসম ৰেজিমেণ্টৰ ৪২ ৰাষ্ট্ৰীয় ৰাইফলচৰ হৈ কাশ্মীৰত কৰ্মৰত আছিল বুলি জানিব পৰা গৈছে।
২০০৯ চনত সেনাবাহিনীত যোগদান কৰা এই জোৱানজনে ২মাহৰ ছুটীলৈ যোৱা তিনিদিনৰ পূৰ্বে অৰুণাচল প্ৰদেশ বৰডুমছাৰ নিজা গাঁও ’ডাপখু’ত উপস্থিত হৈ দেওবাৰে বন্ধুৰ ঘৰত কাশ্মীৰৰ পৰা অনা এখন কাশ্মীৰি শ্বল দিবলৈ গৈছিল।
এইদৰে বন্ধুৰ ঘৰলৈ যাওঁতেই দুৰ্ঘটনা পতিতহৈ মৃত্যুক আঁকোৱালি লয় সেনা জোৱানজনে।
সোমবাৰে স্থানীয় সেনাই মৃতদেহটো সেনাজোৱানজনৰ বাসগৃহলৈ অনাত এক শোকাকুল পৰিবেশৰ সৃষ্টি হয়।
মৃত্যুৰ সময়ত জোৱানজনে এটি ৬বছৰীয়া আৰু এটি তিনিমহীয়া কন্যা সন্তান সহ পত্নীক এৰি থৈ যায়।
মঙলবাৰে পুৱা সামৰিক মৰ্য্যদাৰে জোৱান জনৰ অন্তিম সৎকাৰৰ ব্যৱস্থা কৰা হ’ব বুলি পৰিয়ালৰ তৰফৰ পৰা জনিবলৈ দিছে।
