অৰুণাচল প্ৰদেশ বিধানসভাৰ অধ্যক্ষ পাচাং দৰ্জি চোনাই মঙলবাৰে নতুন দিল্লীত লোকসভাৰ অধ্যক্ষ ওম বিৰালক সাক্ষাৎ কৰে।
বৈঠকৰ সময়ত অৰুণাচল প্ৰদেশ বিধানসভাৰ অধ্যক্ষ গৰাকীয়ে ওম বিৰলাৰ সৈতে অৰুণাচল বিধানসভা প্ৰসংগত বিভিন্ন বিষয় আলোচনা কৰে।
চোনাই ওম বিৰলাক সাক্ষাতৰ সময়ত অৰুণাচল প্ৰদেশত অনুষ্ঠিত হ’বলগীয়া কমনৱেলথ পাৰ্লিয়ামেণ্টেৰিয়ান সংস্থাৰ, ইণ্ডিয়া ৰিজিয়ন জোন-৩ সন্মিলনৰ বিষয়ে অৱগত কৰি বৈঠকত মুখ্য অতিথি হিচাপে অংশগ্ৰহণ কৰাৰ বাবে অনুৰোধ কৰে।
আনহাতে, চোনাই লোকসভাৰ মহাসচিৱ স্নেহলতা শ্ৰীবাস্তৱকো মঙলবাৰে সাক্ষাৎ কৰে।
তেওঁ মহাসচিৱ গৰাকীক সাক্ষাৎ কৰি ৰাজ্যৰ বিধানসভা সচিবালয়ক শক্তিশালী কৰাৰ বাবে অনুৰোধ কৰাৰ লগতে নতুনকৈ নিযুক্ত বিধায়কসকলক প্ৰশিক্ষণ দিয়াৰ বাবেও আহ্বান জনায়।
শ্ৰীবাস্তৱে এইক্ষেত্ৰত পাচাং দৰ্জি চোনাইক সম্ভৱপৰ সকলো প্ৰকাৰৰ সহায় আগবঢ়োৱাৰ আশ্বাস দিয়ে।
