দেশৰ আগশাৰীৰ আলোচনী ইণ্ডিয়া টুডেৰ বাৰ্ষিক ‘ষ্টেট অফ দ্য ষ্টেট’ৰ সমীক্ষাত দেশৰ আটাইতকৈ উন্নীত বৃহৎ ৰাজ্যৰ তালিকাত শীৰ্ষ স্থান লাভ কৰিছে অসমে।
ৰাষ্ট্ৰীয় আলোচনীখনত প্ৰকাশ পোৱা মতে অসমে ২০১৮, ২০১৯ আৰু ২০২০চনলৈ একেৰাহে অসমে আটাইতকৈ উন্নীত ৰাজ্যৰ তালিকাত শীৰ্ষ স্থান লাভ কৰা বুলি কোৱা হৈছে।
ইণ্ডিয়া টুডেৰ ‘ষ্টেট অফ দ্য ষ্টেটছ-২০২০’ৰ সমীক্ষাত দেশৰ ৰাজ্যসমূহক বিভিন্ন দিশত মূল্যায়নৰ জৰিয়তে তালিকাত স্থান দিছে।
ইণ্ডিয়া টুডেৰ হৈ এই সমীক্ষাটো চলাইছিল দিল্লীৰ ‘মাৰ্কেটিং এণ্ড ডেভেলপমেন্ট ৰিচাৰ্ছ এছ’চিয়েটছ(এম ডি আৰ এ) নামৰ গৱেষণা প্ৰতিষ্ঠানটোৱে।
এই সমীক্ষাতে দেশৰ বৃহৎ ৰাজ্যসমূহৰ ভিতৰত আটাইতকৈ উন্নীত ৰাজ্যৰ তালিকাত শীৰ্ষস্থান লাভ কৰিছে অসমে।
অসমে এই তালিকাত ২০০০পইন্টৰ ভিতৰত ১,২২২.৩পইন্ট লাভ কৰি শীৰ্ষস্থান লাভ কৰে।
আনহাতে, দেশৰ আটাইতকৈ উন্নীত সৰু ৰাজ্যসমূহৰ ভিতৰত শীৰ্ষ স্থান লাভ কৰিছে মণিপুৰে। এই একেটা শিতানতে দ্বিতীয় স্থান লাভ কৰিছে মেঘালয়ে।
আলোচনীখনৰে এই সমীক্ষাত কৰ’না পৰিস্থিতি মোকাবিলাৰ ক্ষেত্ৰত উত্তম ব্যৱস্থাপনা কৰা বৃহৎ ৰাজ্যৰ শীৰ্ষস্থানতো আছে অসম। এই শিতানত সৰু ৰাজ্যসমূহৰ তালিকাৰ শীৰ্ষস্থান লাভ কৰিছে অৰুণাচল প্ৰদেশে।
ইণ্ডিয়া টুডেৰ সমীক্ষাত এইদৰে দেশৰ আটাইতকৈ উন্নীত বৃহৎ ৰাজ্যৰ তালিকা অসমে শীৰ্ষস্থান লাভ কৰাৰ বাবে মুখ্যমন্ত্ৰী সৰ্বানন্দ সোণোৱালক ৰাজ্যিক বিজেপিকে ধৰি বিভিন্নজনে অভিনন্দন জনাইছে।
