অসম চৰকাৰে দিপাৱলীৰ সময়ত ৰাজ্যত ফটকা নিষিদ্ধ কৰাৰ সিদ্ধান্ত গ্ৰহণ কৰিছে।
দিপাৱলীৰ সময়ত ফটকা ব্যৱহাৰ নকৰিবৰ বাবে ৰাষ্ট্ৰীয় সেউজ ন্যায়াধিকৰণে দিয়া নিৰ্দেশ পালন কৰি অসম চৰকাৰে এই সিদ্ধান্ত গ্ৰহণ কৰে।
কোভিডৰ সংক্ৰমণৰ সময়ত প্ৰদূষণ সৃষ্টি নকৰাৰ উদ্দেশ্যে অসম চৰকাৰে গুৱাহাটীত ৩০ নৱেম্বৰ পৰ্যন্ত ফটকাৰ বিক্ৰী আৰু ব্যৱহাৰত বাধা আৰোপ কৰিছে।
অসম চৰকাৰে ৰাজ্যখনৰ নাগৰিক সকলক দিপাৱলীৰ দিনটোত ৮ বজাৰ পৰা ১০ বজালৈ প্ৰদূষণ সৃষ্টি নকৰা ফুলজাৰি ব্যৱহাৰ কৰাৰ বাবে আহ্বান জনাইছে।
অসম চৰকাৰে দিপাৱলীৰ লগতে চট পুজাৰ বাবেও নিৰ্দেশনা জাৰি কৰিছে। চট পুজাৰ সময়তো ৰাজ্যত ফটকাৰ ব্যৱহাৰ নিষিদ্ধ কৰা হৈছে।
উল্লেখযোগ্য যে, খ্ৰীষ্টমাছ আৰু নৱবৰ্ষত চৰকাৰে মাত্ৰ ৩৫ মিনিটৰ বাবে ফটকা ফুটোৱাৰ অনুমতি প্ৰদান কৰিছিল।
অসম চৰকাৰৰ বন মন্ত্ৰী গৰাকীয়ে পূৰ্বে দিপাৱলীৰ সময়ত অসমত ফটকা ফুটোৱাৰ ক্ষেত্ৰত কোনোধৰণৰ বাধা নাথাকে বুলি মন্তব্য কৰিছিল।
অসমৰ পূৰ্বে দিল্লী, ৰাজস্থান, মহাৰাষ্ট্ৰ, ওড়িশা আদি ৰাজ্যই দিপাৱলীৰ সময়ত ফটকা আৰু ফুলজাৰিৰ ব্যৱহাৰ আৰু বিক্ৰী নিষিদ্ধ কৰিছিল।