ৰাজ্যত অপ্ৰতিৰোধ্য ক’ৰ’নাৰ সংক্ৰমণ। কিন্তু তাৰ মাজতে আজিৰ দিনটোত আহিছে এক ভাল খবৰ।
আজিৰ দিনটোত ৰাজ্যত ক’ৰ’ণামুক্ত হৈছে ৯২ গৰাকী লোক।
ইয়াৰে ২২ গৰাকী মহেন্দ্ৰ মোহন চৌধুৰী হাস্পাতালৰ পৰা, ৪৬ গৰাকী কালাপাহাৰ জিলা যক্ষ্মা চিকিৎসালয়ৰ পৰা, তেজপুৰ মেডিকেল কলেজৰ পৰা ১৩ গৰাকী, যোৰহাট মেডিকেল কলেজৰ পৰা ৭ গৰাকী, বৰপেটা মেডিকেল কলেজৰ পৰা দুগৰাকী, শিলচৰ মেডিকেল কলেজৰ পৰা এগৰাকী আৰু অসম মেডিকেল কলেজ হস্পিতালৰ পৰা এগৰাকী ৰোগীক মুক্তি দিয়া হৈছে।
লোককেইগৰাকীক দুবাৰকৈ টেষ্ট কৰি নিগেটিভ ওলোৱাত তেওঁলোকক চিকিৎসালয়ৰ পৰা যাবলৈ দিয়া হয়।
টুইটাৰযোগে এই কথা জনাইছে স্বাস্থ্য মন্ত্ৰী ডঃ হিমন্ত বিশ্ব শৰ্মাই।
? Discharge Alert
9⃣2⃣ patients have been discharged today after they tested negative for #COVID twice.
Kalapahar 46; MMCH 22; TMC 13; JMCH 07; FAAMCH 02; SMCH 01; AMCH 01
?Total Discharged Patients – 277
?Active Patients – 1106Update 4:55 PM/June 1#AssamCovidCount pic.twitter.com/lznSRSnuYt
— Himanta Biswa Sarma (@himantabiswa) June 1, 2020
যোৱা ২৪ ঘণ্টাৰ ভিতৰত ১১৪ গৰাকী ৰোগী ক’ৰ’নামুক্ত হৈছে।
কালিও ২২ গৰাকী ৰোগী ক’ৰ’নামুক্ত হৈ ঘৰলৈ উভতিছিল।
যোৱা ৩০ মে’ ত ৩৮ গৰাকী লোকক ৰাজ্যৰ বিভিন্ন প্ৰান্তৰ চিকিৎসালয়ৰ পৰা যাবলৈ দিয়া হৈছিল।
২৯ মেত মুঠ ২৮ গৰাকী ৰোগীক চিকিৎসালয়ৰ পৰা যাবলৈ দিয়া হৈছিল।
২৮ মে’ত ১৬ গৰাকী লোকক চিকিৎসালয়ৰ পৰা মুক্তি দিয়া হৈছিল।
কালিৰ পৰা আজিলৈকে ১১৪ গৰাকী ৰোগীক মুক্তি দিয়াৰ ফলত ৰাজ্যত ১১০৬ লৈ হ্ৰাস পালে ক’ৰ’না আক্ৰান্তৰ সংখ্যা। ৰাজ্যত এতিয়ালৈকে ২৭৭ গৰাকী লোক ক’ৰ’না মুক্ত হৈছে।
যোৱা ২৭ মেত ৰাজ্যত ২৫ গৰাকী লোকক চিকিৎসালয়ৰ পৰা মুক্তি দিয়া হৈছিল।
যোৱা ২৩ মে’ত দন্ত চিকিৎসক ডঃ দীপা ডেকা সুস্থ হৈ উঠাৰ বাবে তেওঁক GMCH ৰ পৰা মুক্তি দিয়া হৈছিল। তেওঁৰ লগতে অন্য এগৰাকী মহিলা ৰোগীকো মুক্তি দিয়া হৈছিল GMCH ৰ পৰা।
উল্লেখযোগ্য যে, যোৱা ২০ মে’ত GMCH ৰ কণিষ্ঠ চিকিৎসক ডঃ লিথিকেশ সুস্থ হৈ উঠিছিল আৰু তেওঁ পুনৰ কোভিড-১৯ ৰোগীৰ চিকিৎসাত নিজকে নিয়োগ কৰিছিল।
ৰাজ্যত আজিৰ দিনটোত বৰ্তমানলৈকে ২৯ গৰাকী লোক এই কোভিড-১৯+ ত আক্ৰান্ত হোৱাত তথা ৰোগীৰ সংখ্যা ১৩৯০ লৈ বৃদ্ধি পোৱাত সকলো আতংকিত হৈ আছে যদিও ২৪ ঘণ্টাত ১১৪ গৰাকীকৈ ৰোগী ক’ৰ’নামুক্ত হোৱাটোৱে কিছু পৰিমাণে সুখৰ বাৰ্তা কঢ়িয়াই আনিছে।
