গোলাঘাট আৰু যোৰহাট জিলাত এতিয়াও অব্যাহত আছে বিষাক্ত সুৰাপান কৰি মৃত্যু হোৱা লোকৰ সংখ্যা। ইয়াৰ মাজতে এফালে যদি প্ৰসাশনে কেৱল সুৰাৰ ঘাটি সমূহ উচ্ছেদ কৰাতে অভিযান সীমাবদ্ধ ৰাখিছে আনফালে আকৌ সমান্তৰালকৈ চলি আছে দল-সংগঠনৰ প্ৰতিবাদৰ জোঁৱাৰ।
ৰাজ্যৰ বিভিন্ন ঠাইত প্ৰতিবাদ আৰু বিক্ষোভ কাৰ্যসূচী চলি থকাৰ মাজতে আজি বিশ্বনাথত অসম চাহ জনজাতি ছাত্ৰ সন্থা শোণিতপুৰ জিলা সমিতিৰ উদ্যোগত আৰু বিশ্বনাথ, বিহালী, নদুৱাৰ, আৰু গহপুৰ শাখা সমিতিৰ সহযোগত গোলাঘাট ঘটনাৰ প্ৰতিবাদ সাব্যস্ত কৰা হয়।
বিশ্বনাথ জিলা উপায়ুক্তৰ কাৰ্যালয়ৰ সন্মুখত আটছাৰ প্ৰায় দুই শতাধিক প্ৰতিবাদকাৰী চাহ বাগিচাত অবৈধ সুৰাৰ ঘাটি উচ্ছেদ কৰা, দেশীয় সুৰা ব্যৱসায়ীৰ অনুজ্ঞাপত্ৰ বাতিল কৰা, লালিগুড়ৰ যোগান বন্ধ কৰাৰ দাবীত ২ ঘন্টীয়া ধৰ্ণা কাৰ্যসূচী ৰূপায়ন কৰে।