মন্ত্ৰী ভৱেশ কলিতাৰ ছত্ৰছায়াত জলসিঞ্চন বিভাগত চাকৰিৰ বজাৰ বহা বুলি অভিযোগ অনা এ পি ডব্লিউৰ সভাপতি অভিজিত শৰ্মাৰ বিৰুদ্ধে মানহানিৰ গোচৰ তৰিব জলসিঞ্চন মন্ত্ৰীগৰাকীয়ে।
আজি গুৱাহাটীত এক সংবাদমেল অনুষ্ঠিত কৰি মন্ত্ৰী ভৱেশ কলিতাই শৰ্মাক আজি দিনৰ ২ বজাৰ ভিতৰত তেওঁৰ হাতত থকা তথ্য ৰাজহুৱা কৰিবলৈ প্ৰত্যাহ্বান জনায়। অন্যথা শৰ্মাৰ বিৰুদ্ধে আদালতলৰ কাষ চপাৰ হুংকাৰ দিয়ে মন্ত্ৰীজনে।
আনহাতে তথ্য-প্ৰমাণ জমা দিব পাৰিলে শৰ্মাক দিচপুৰ প্ৰেছ ক্লাবত ৰাজহুৱাকৈ পাটৰ গামোচা পিন্ধাব বুলি কয় মন্ত্ৰী কলিতাই।
উল্লেখযোগ্য যে যোৱা ২৭ এপ্ৰিলত এক সংবাদমেল যোগে জলসিঞ্চন বিভাগত ব্যাপক কেলেংকাৰী চলি থকা বুলি অভিযোগ আনিছিল এ পি ডব্লিউৰ সভাপতি অভিজিত শৰ্মাই।
লগতে পঢ়ক মন্ত্ৰী ভৱেশ কলিতাৰ ছত্ৰছায়াত জলসিঞ্চন বিভাগত চলিছে চাকৰিৰ বজাৰ : আছাম পাব্লিক ৱৰ্কছ
আজিৰ সংবাদমেলত কলিতাই লগতে কয়, ‘মোৰ কোনো পুৰুষ খুলশালি নাই। এনেই লম্ফ জম্ফ কৰি থাকিব নালাগে…. কোন এ পি ডব্লিউ?’
‘মোৰ দিনত কেন্দ্ৰৰ পৰা এক টকাও সাহায্য অহা নাই। ১৫ কোটি টকা কেনেকৈ ক’ত খালে তাৰ তথ্য প্ৰমাণ দিয়ক’ তেওঁ কয়।
শৰ্মাৰ অভিযোগ ভীত্তিহীন আখ্যা দি কলিতাই কয় ‘জলসিঞ্চন বিভাগত ৮০০টা পদ খালী হোৱাই নাই, তেন্তে কেনেকৈ ৩ লাখ টকা চাকৰি দিয়াৰ নামত ল’লে?’
