ভাৰতৰ ৰে’ল কেন্দ্ৰীয় মন্ত্ৰী পিয়ুশ গোৱেলে মঙলবাৰে মুৰ্কংচেলেক-ডিব্ৰুগড়ৰ মাজত এখন নতুন ৰে’লগাড়ী মুকলি কৰিছে।
নতুন দিল্লীৰ ৰিম’ট কন্ত্ৰ’ল লগাই মন্ত্ৰীগৰাকীয়ে পেছেঞ্জাৰ ৰে’লগাড়ীখনৰ আৰম্ভণি কৰে।
মন্ত্ৰী গোৱেলে মুকলি কৰি দিয়াৰ পিছত উত্তৰ-পূব সীমান্ত ৰে’লৱে’ৰ মাণ্ডলিক ৰে’লৱে’ পৰিচালক, ৰঙিয়া ভি এ মালেগাওংকাৰে পতাকা জোকাৰি ৰে’লখনৰ যাত্ৰা মুকলি কৰে।
আবেলি ৩ বজাত ৰে’লখনে ডিব্ৰুগড়লৈ বুলি যাত্ৰা আৰম্ভ কৰে।
ৰে’লখনে ধেমাজি আৰু অৰুণাচল প্ৰদেশৰ চিয়াং জিলাবাসীক বিশেষভাৱে উপকৃত কৰিব বুলি আশা কৰা হৈছে।
দুয়ো ৰাজ্যৰ বৃহত্তৰ এলেকাটোৰ লোকসকলে বগীবিল দলং মুকলি হোৱাৰ পিছৰে পৰা ডিব্ৰুগড়লৈ এখন যাত্ৰী ৰে’লৰ দাবী জনাই আহিছিল।
অঞ্চলটোৰ পৰা বহুলোক শৈক্ষিক, ব্যৱসায়িক আৰু চিকিৎসাজনিত কাৰণত ডিব্ৰুগড়লৈ যায়।
নতুন ৰে’লখনে প্ৰতিদিনে পুৱা ৮.৪৫ বজাত ইষ্ট চিয়াঙৰ ৰাস্কিন টাউনৰ সমীপৰ মুৰ্কংচেলেক ষ্টে’চন এৰিব আৰু দুপৰীয়া প্ৰায় ১২.১৫ বজাত ডিব্ৰুগড় পাবগৈ।
একে পথেৰে ৰে’লখন আবেলি পুনৰ আহিব উভতি।
ৰে’লখনত প্ৰথম শ্ৰেণী আৰু সাধাৰণ শ্ৰেণীৰ সুবিধা থাকিব।
