মিজোৰাম কাণ্ডৰ পৰা শিক্ষা! অসম-নাগালেণ্ড সীমান্তৰ পৰা নিৰাপত্তা বাহিনী প্ৰত্যাহাৰৰ সিদ্ধান্ত দুই ৰাজ্যৰ

অসম-মিজোৰাম সীমান্তত সৃষ্টি হোৱা উত্তেজনাপূৰ্ণ পৰস্থিতিৰ মাজতে আজি অসম আৰু নাগালেণ্ডৰ চৰকাৰে এক গুৰুত্বপূৰ্ণ সদ্ধিান্ত গ্ৰহণ কৰে।

অসম আৰু নাগালেণ্ডৰ মাজত দীৰ্ঘদিন ধৰি চলি থকা সীমা বিবাদ সন্দৰ্ভত আজি দুয়ো খন ৰাজ্যৰ মুখ্য সচিবদ্বয়ৰ মাজত এক আলোচনা অনুষ্ঠিত হয়।

উক্ত আলোচনাত অসমৰ মুখ্য সচিব জিষ্ণু বৰুৱা আৰু নাগালেণ্ডৰ মুখ্য সচিব এ আলম উপস্থিত থাকে। বৈঠকত অসমৰ শিক্ষামন্ত্ৰী ৰণোজ পেগু আৰু নাগালেণ্ডৰ উপ-মুখ্যমন্ত্ৰী ৱাই পাট্টনো উপস্থিত থাকে।

উক্ত বৈঠকতে দুয়োখেন ৰাজ্যই সীমান্তৰ বিবদমান অঞ্চলৰ পৰা নিৰাপত্তা বাহিনী প্ৰত্যাহাৰ কৰাৰ সিদ্ধান্ত গ্ৰহণ কৰে। সেইমৰ্মে দুয়োখন ৰাজ্যৰ মাজত এখন বুজা-বুজিৰ চুক্তিও স্বক্ষৰ হয়।

চুক্তি অনুসৰি অসম আৰু নাগালেণ্ডে দুয়ো খন ৰাজ্যৰ সীমান্তৱৰ্তী দিচৌ ভেলী সংৰক্ষিত বনাঞ্চল/চুৰাংকং ভেলীৰ লগতে অ’ ছেণ্ডেন তথা ভিক’টু গাঁৱ(জানখোনা নালা)ৰ পৰা সশস্ত্ৰ বাহিনী আঁতৰাই নিয়াৰ সিদ্ধান্ত গ্ৰহণ কৰে।

This is a historic step in our relations. My gratitude to HCM Sri @Neiphiu_Rio for working with #Assam in restoring peace on the border.

Assam is committed to ensuring peace along all its borders & strives for social & economic prosperity of #NorthEast region. 2/2@AmitShah pic.twitter.com/IyQXuuID0u

— Himanta Biswa Sarma (@himantabiswa) July 31, 2021

দুয়ো খন ৰাজ্যই সীমান্তৱৰ্তী অঞ্চল দ্ৰোন আৰু কৃত্ৰিম উপগ্ৰহৰ চিত্ৰৰ জৰিয়তে নিৰীক্ষণৰ সিদ্ধান্ত লয়।

সীমান্তৰ পৰিস্থিতি সন্দৰ্ভত নজৰ ৰাখিবলৈ অসমৰ যোৰহাট জিলা আৰু নাগালেণ্ডৰ মোককচাং জিলাৰ আৰক্ষী অধীক্ষক দুগৰাকীৰ ওপৰত দায়িত্ব অৰ্পন কৰা হৈছে।

অসমৰ মুখ্যমন্ত্ৰী হিমন্ত বিশ্ব শৰ্মাই সীমান্ত সন্দৰ্ভত অসম আৰু নাগালেণ্ডৰ মাজত স্বাক্ষৰিত চুক্তিক এক ঐতিহাসিক চুক্তি আখ্যা দিছে।