এন এছ য়ু আই অসমৰ কেন্দ্ৰীয়, জিলাকে ধৰি সকলো সমিতি ভংগ কৰি দিয়া হৈছে।
এন এছ য়ু আই অসমৰ সভাপতি কৃষ্ণানু বৰুৱাই এক ঘোষণা যোগে এই সিদ্ধান্তৰ কথা উল্লেখ কৰে।
অসমৰ এন এছ য়ু আইৰ প্ৰভাৰী অনুশেষ শৰ্মাই এন এছ য়ু আইৰ কেন্দ্ৰীয় আৰু জিলা সমিতি ভংগৰ সিদ্ধান্তত অনুমোদন জনায়।
‘‘ অসম ৰাজ্যিক এন এছ য়ু আইৰ প্ৰভাৰী অনুশেষ শৰ্মাৰ অনুমোদন ক্ৰমে মই সকলো ধৰণৰ ৰাজ্যিক আৰু জিলা সমিতি ভংগ হোৱা বুলি ঘোষণা কৰো,’’ কৃষ্ণানু বৰুৱাই কয়।
ইপিনে, অতি শীঘ্ৰে নতুন ৰাজ্যিক আৰু জিলা সমিতি গঠন কৰা হ’ব বুলিও কৃষ্ণানু বৰুৱাই লগতে কয়।
অভিজ্ঞতাৰ আধাৰতে নতুন সমিতিত দায়িত্ব লাভ কৰিবলগীয়া সকলক অগ্ৰাধিকাৰ প্ৰদান কৰা হ’ব বুলিও কৃষ্ণানু বৰুৱাই মত প্ৰকাশ কৰে।
সৰ্ব ভাৰতীয় কংগ্ৰেছ কমিটিয়ে কৃষ্ণানু বৰুৱাক এন এছ য়ু আই অসমৰ সভাপতি হিচাপে নিযুক্তি দিয়াৰ দুদিনৰ পাছতে অসমৰ ৰাজ্যিক আৰু জিলা এন এছ য়ু আই কমিটি সমূহ ভংগৰ সিদ্ধান্ত গ্ৰহণ কৰা হয়।
অসম বিধানসভা নিৰ্বাচনৰ প্ৰতি লক্ষ্য ৰাখিয়ে কংগ্ৰেছৰ ছাত্ৰ সংগঠনটোৰ মাজত সক্ৰিয়তা বৃদ্ধিৰ বাবে এই সিদ্ধান্ত গ্ৰহণ কৰা হৈছে বুলি ধাৰণা কৰিব পাৰি।
