অসম আৰক্ষীৰ জনাজাত বীৰাংগনা বিস্মিতা লিখকৰ লগতে অসমৰ বহুকেইগৰাকী ব্যক্তিক নতুন দিল্লীত বিভিন্ন বঁটাৰে সন্মানিত কৰা হৈছে।
বীৰাংগনা লিখকলৈ সাবিত্ৰীবাই ফুলে ৰাষ্ট্ৰীয় সন্মান প্ৰদান কৰা হৈছে।
বাকীসকলৰ একাংশক আম্বেদকাৰ ৰাষ্ট্ৰীয় সন্মান আৰু একাংশক বাবু জগজীৱন ৰাম ৰাষ্ট্ৰীয় পুৰস্কাৰ প্ৰদান কৰা হৈছে।
বঁটাপ্ৰাপ্ত আনসকল ব্যক্তি– নলবাৰীৰ দিলীপ কুমাৰ দাস, গোলাঘাটৰ নীলিমা বৰা আৰু ব্ৰজেন দাস, মাজুলীৰ দেৱেন চন্দ্ৰ ভূঞা, মহেন্দ্ৰ কাকতী আৰু সুশীল কুমাৰ শইকীয়া আৰু লখিমপুৰৰ সোমেশ্বৰ নাথ।
স্বাধীনতা সংগ্ৰামী, দলিত নেতা তথা ভাৰতৰ প্ৰথম শ্ৰম মন্ত্ৰী বাবু জগজীৱন ৰামৰ মৃত্যু দিন ৬ জুলাইত কেন্দ্ৰীয় সমাজ কল্যাণ আৰু ন্যায় মন্ত্ৰী ৰামদাস আঠৱালে লিখকৰ লগতে অন্যান্যক এই বঁটাসমূহ প্ৰদান কৰে।
বাবু জগজীৱন ৰাম কলা সংস্কৃতি আৰু সাহিত্য একাডেমিয়ে ৰামৰ মৃত্যু তিথিত এই পুৰস্কাৰসমূহ প্ৰদান কৰি আহিছে।