হিন্দু যুৱতীক লৈ পলাই যোৱাৰ বাবে মুছলীম যুৱকক এনকাউণ্টাৰ অসম আৰক্ষীৰ : গুৰুতৰভাবে আহত
দুজন মাছমৰীয়াক এনকাউন্টাৰৰ নামত বনকৰ্মীয়ে গুলীয়াই হত্যা কৰাৰ দুদিন পিছতেই আকৌ অসম আৰক্ষীৰ গুলীত গুৰুতৰভাবে আহত হৈছে এজন যুৱক।
এই ঘটনা সংঘটিত হৈছে কাছাৰৰ শিবপুৰ গাঁৱত।
জানিব পৰা মতে, বিন্নকান্দি অঞ্চলৰ বাসিন্দা মন্নান আলী নামৰ যুৱকজন আৰক্ষীৰ গুলীত গুৰুতৰভাৱে আহত হয়।
সংখ্যালঘু সম্প্ৰদায়ৰ মান্নান আলীয়ে স্থানীয় অঞ্চলটোৰ এগৰাকী হিন্দু যুৱতীক লৈ পলায়ন কৰাৰ অভিযোগৰ পিছতে এই অঞ্চলটোৰ দুই সম্প্ৰদায়ৰ লোক উত্তেজিত হৈ পৰে।
শৃংখলা পুনৰুদ্ধাৰৰ লক্ষ্যৰে গভীৰ নিশা চলোৱা অভিযানৰ সময়ত আৰক্ষীয়ে মান্নান আলীক গ্ৰেপ্তাৰ কৰাৰ চেষ্টা কৰাত পৰিস্থিতি তীব্ৰতৰ হৈ পৰে।
খবৰ অনুসৰি মান্নান আলীয়ে আৰক্ষীৰ উপস্থিতিত গ্ৰেপ্তাৰৰ পৰা হাত সাৰিবলৈ পলায়নৰ চেষ্টা কৰে। পলায়নৰ চেষ্টা কৰোতে আৰক্ষীয়ে মান্নালৈ লক্ষ্য কৰি গুলীচালনা কৰে।
মান্নান আলীৰ ভৰিত গুলী লাগে আৰু লগে লগে জৰুৰী চিকিৎসাৰ বাবে শিলচৰ চিকিৎসা মহাবিদ্যালয়লৈ প্ৰেৰণ কৰা হয়। সম্প্ৰতি তেওঁৰ অৱস্থা সংকটজনক বুলি জানিব পৰা গৈছে।