ক’ভিড-১৯: প্ৰাণ হেৰুৱালে অসম আৰক্ষীৰ হাবিলদাৰ হৰেশ্বৰ নাথে

অসম আৰক্ষীৰ হাবিলদাৰ হৰেশ্বৰ নাথ ক’ভিড-১৯ আক্ৰান্ত হৈ শুকুৰবাৰে মৃত্যুমুখত পৰিছে।

১৬ আই আৰ বি এনৰ হাবিলদাৰ নাথ যোৱা ৭ জুলাইত ক’ভিড পজিটিভ চিনাক্ত হৈছিল।

ক’ভিড-১৯ বিৰুদ্ধে যুঁজৰ আগশাৰীত থকা নাথৰ মৃত্যুত আৰক্ষী সঞ্চালকপ্ৰধানকে ধৰি শীৰ্ষ বিষয়াসকলে শোক প্ৰকাশ কৰিছে।

“এই দুখৰ সময়ত আমি হাবিলদাৰ হৰেশ্বৰ নাথৰ পৰিয়ালৰ সৈতে একগোট আৰু সহমৰ্মী হৈ আছো,” নাথৰ মৃত্যুত অসমৰ আৰক্ষী সঞ্চালকপ্ৰধান ভাস্কৰজ্যোতি মহন্তৰ টুইট।

We stand united and in solidarity with Hav. Hareswar Nath’s family in this hour of grief.

The concerned have been directed to provide all necessary assistance to them. https://t.co/cXqa8628SU

— DGP Assam (@DGPAssamPolice) July 10, 2020

বৃহস্পতিবাৰলৈকে অসম আৰক্ষীৰ ৪০২গৰাকী লোক ক’ভিড-১৯ত আক্ৰান্ত হৈছে।

ইয়াৰে ১১৬গৰাকীয়ে ইতিমধ্যে আৰোগ্য লাভ কৰিছে।

অসমত শেহতীয়াকৈ ব্যাপক হাৰত ক’ভিড ৰোগী চিনাক্ত হৈছে। মুঠ আক্ৰান্তৰ সংখ্যা ১৪,৬০০লৈ বৃদ্ধি পাইছে।

ইয়াৰে ৯১৪৭গৰাকী ইতিমধ্যে ক’ভিড মুক্ত হৈছে আৰু তেওঁলোকক চিকিৎসালয়ৰ পৰা যাবলৈ দিয়া হৈছে।