প্ৰত্যাশিতভাৱেই নকৈ জন্ম লাভ কৰা ৰাজ্যৰ আঞ্চলকি দল ৰাইজৰ দলৰ সভাপতি পদত অধিষ্ঠিত হৈছে কাৰাৰুদ্ধ কৃষক নেতা অখিল গগৈ।
ডিব্ৰুগড় জিলাৰ মৰাণত অনুষ্ঠিত ৰাইজৰ দলৰ প্ৰথমখন ৰাজ্যিক অভিৱৰ্তনৰ প্ৰতিনিধিসকলে সৰ্বসন্মিত ক্ৰমে কাৰাৰুদ্ধ কৃষক নেতাগৰাকীক ৰাইজৰ দলৰ সভাপতি হিচাপে মনোনীত কৰে।
উল্লেখ্য যে যোৱা এবছৰে কেব বিৰোধী আন্দোলনত হিংসাত্মক কাৰ্যকলাপ সংঘটিত কৰাৰ অভিযোগত অখিল গগৈক কাৰাৰুদ্ধ কৰি ৰাখিছে শাসনাধিষ্ঠ বিজেপি চৰৰাৰখনে।
২০১৯ চনৰ ডিচেম্বৰত যোৰহাটৰ পৰা গ্ৰেপ্তাৰ কৰা কৃষক নেতা অখিল গগৈক ১০ টাৰো অধিক পুৰণি গোচৰত আক্ৰোশমূলকভাৱে চৰকাৰে চাৰ্জশ্বীট দাখিল কৰি কাৰাৰুদ্ধ কৰি ৰখা চেষ্টা কৰি অহা বুলি সচেতন মহলে অভিযোগ কৰি আহিছে।
এই সকলোবোৰ পুৰণি গোচৰতে জামিন লাভ কৰিলেও কৃষক নেতাগৰাকীয়ে NIAৰ এটা গোচৰত জামিন লাভ নকৰাত বৰ্তমানেও কাৰাৰুদ্ধ হৈ আছে। যোৱা মংগলবাৰে উক্ত গোচৰৰ জামিন আবেদন খাৰিজ কৰিছিল গুৱাহাটী উচ্চ ন্যায়ালয়ে।
শুকুবাৰে নিশা অভিৱৰ্তনৰ প্ৰতিনিধি সভাই কাৰাৰুদ্ধ অৱস্থাতে কৃষক নেতা অখিল গগৈক ৰাইজৰ দলৰ সভাপতিৰূপে মনোনীত কৰাৰ লগতে দলটোৰ কেন্দ্ৰীয় কাৰ্যনিৰ্বাহক কমিটিখনো গঠন কৰে।
দলটোৰ মুখ্য উপদেষ্টাৰূপে ৰাজ্যৰ বিশিষ্ট চিন্তাবিদ ডঃ হীৰেন গোহাঁইৰ লগতে কেবাজনো বিশিষ্ট ব্যক্তিক উপদেষ্টাৰূপে মনোনীত কৰা হৈছে।
আনহাতে কৃষক মুক্তি সংগ্ৰাম সমিতিৰ প্ৰাক্তন সভাপতি তথা ৰাইজৰ দল অন্যতম আহ্বায়ক ভাস্ক’ ডি শইকীয়া, কবীন্দ্ৰ চেতিয়া ফুকন আৰু জিতুল ডেকাক কাৰ্যকৰী সভাপতিৰ দায়িত্ব অৰ্পণ কৰিছে অভিৱৰ্তনৰ প্ৰতিনিধিসকলে।
কৃষক মুক্তিৰ সংগ্ৰাম সমিতিৰ প্ৰাক্তন সাধাৰণ সম্পাদক তথা সদ্য প্ৰাক্তন কংগ্ৰেছী কমল কুমাৰ মেধি, কৃষক মুক্তিৰ নেতা বেদান্ত লস্কৰকে আদি কৰি ১৭ জন বিভিন্ন জাতি জনগোষ্ঠীয় নেতাক উপ সভাপতিৰ দায়িত্ব দিয়া হৈছে।
ইফালে কৃষক মুক্তি সংগ্ৰাম সমিতিৰ উপদেষ্টা হুছেইন মহম্মদ চাহজাহান, টাই-আহোম যুৱ পৰিষদৰ প্ৰাক্তন নেতা লোহিত গগৈ, অনুসূচীত জাতিৰ প্ৰাক্তন ছাত্ৰ নেতা ৰুবুল দাসসহ ৯ জন বিভিন্ন জাতি-জনোগোষ্ঠীয় সংগঠনৰ প্ৰাক্তন নেতাক সাধাৰণ সম্পাদকৰ দায়িত্ব দিয়া হৈছে।
জনপ্ৰিয় অভিনেত্ৰী জেৰিফা ৱাহিদ, কৃষক মুক্তি সংগ্ৰাম সমিতিৰ প্ৰাক্তন সম্পাদক ভৱেন সন্দিকৈসহ ১৮ নেতাক সম্পাদকৰ দায়িত্ব অৰ্পণ কৰা হৈছে।
ইফালে অভিৱৰ্তনৰ প্ৰতিনিধি সভাৰ সিদ্ধান্ত মৰ্মে ৰাজ্যখনৰ প্ৰতিখন জিলাৰ পৰাই ৰাইজৰ দলৰ কেন্দ্ৰীয় কমিটিত এজনকৈ কাৰ্যনিৰ্বাহক সদস্য অন্তৰ্ভুক্ত কৰা হ’ব।
শুকুৰবাৰে অভিৱৰ্তনৰ প্ৰতিনিধি সভাত ৰাজ্যৰ চিন্তাবিদসকলৰ লগতে বিভিন্ন ক্ষেত্ৰৰ বিশেষজ্ঞ ব্যক্তিৰ উপস্থিতিত ৰাইজৰ দলৰ সংবিধান, নীতি নিৰ্ধাৰণ, আদৰ্শ আদিৰ বিষয়ে আলোচনা কৰে।
তলত অভিৱৰ্তন গঠন কৰা ৰাইজৰ দলৰ কেন্দ্ৰীয় কমিটিখনত দিয়া হ’ল—
মুখ্য উপদেষ্টা
ডঃ হীৰেণ গোহাঁই।
উপদেষ্টা
