৭৩ সংখ্যক স্বাধীনতা দিৱস উপলক্ষে অসম চৰকাৰে সাংবাদিক পেঞ্চন আঁচনিৰ অধীনত ২০১৯-২০ বৰ্ষৰ বাবে ৰাজ্যখনৰ ২০ গৰাকী অৱসৰপ্রাপ্ত জ্যেষ্ঠ সাংবাদিকৰ নাম পেঞ্চনৰ বাবে ঘোষণা কৰিছে।
মঙলবাৰে ৰাজ্য চৰকাৰে প্ৰকাশ কৰা তথ্য অনুসৰি এই সাংবাদিকসকল হৈছে ক্রমে- দীপক দাস (কৰিমগঞ্জ), নাথমল তীব্ৰেৱালা (শোণিতপুৰ), ইকবাল আহমেদ (ডিব্ৰুগড়), অমূল্য খাটনিয়াৰ (তিনিচুকীয়া), উদয় শংকৰ বৰগোহাঁই (কামৰূপ মহানগৰ), ঘনকান্ত দাস (বিশ্বনাথ চাৰিআলী), সত্যনাৰায়ণ মিশ্ৰ (কামৰূপ মহানগৰ), হিমেন ভট্টাচাৰ্য (তিনিচুকীয়া), পদ্মেশ্বৰ চিত্ৰকৰ (কামৰূপ মহানগৰ)।
ইয়াৰ উপৰি কিৰণ কুমাৰ মুখাৰ্জী (নগাঁও), পৱন হাজৰিকা (ওদালগুৰি), অৰুন কুমাৰ দাস (যোৰহাট), সঞ্জয় বৰকটকী (কামৰূপ মহানগৰ), জিতেন শৰ্মা (তিনিচুকীয়া), ৰঞ্জিত কুমাৰ দাস (ওদালগুৰি), বলেন্দ্ৰ কলিতা (কামৰূপ মহানগৰ), হৰেণ শৰ্মা (যোৰহাট), চম্পক বৰবৰা (কামৰূপ মহানগৰ), ইমৰান হুছেইন (কামৰূপ মহানগৰ) আৰু দীপাংকৰ ৰয় (কামৰূপ)।
উল্লেখযোগ্য যে বর্তমানৰ ৰাজ্যিক চৰকাৰে যোৱা ২০১৭-১৮ বিত্তীয় বৰ্ষৰ পৰা ৰাজ্যৰ অৱসৰপ্রাপ্ত সাংবাদিকৰ বাবে সাংবাদিক পেঞ্চন আঁচনিখন ৰূপায়ন কৰিছে।
আঁচনিখনৰ অধীনত সাংবাদিক সকলক প্রতিমাহে ৮০০০ টকাকৈ আর্থিক সাহায্য প্রদান কৰা হ’ব বুলি বিভাগীয় সূত্ৰত প্ৰকাশ পাইছে।