দেওবাৰে সন্ধিয়া অসম বন বিভাগে গুৱাহাটীৰ চিৰিয়াখানাত এটি নতুন সদস্যৰ আগমনৰ কথা ঘোষণা কৰে।
অসম ৰাজ্যিক চিৰিয়াখানা তথা উদ্ভিদ উদ্যানৰ এশিঙিয়া গঁড় পৰী–য়ে জন্ম দিলে এটি স্বাস্থ্যৱান পোৱালি।
৭টা এশিঙিয়া গঁড় থকা চিৰিয়াখানাখন সুদীৰ্ঘ ১১টা বছৰৰ পাছত গঁড়ৰ জন্মৰ সাক্ষী হৈ পৰিছে।
এক্সত অসম বন বিভাগে এক পোষ্টত লিখিছে, “অসমত বন্য পৰিৱেশত গঁড় বৃদ্ধি পোৱাৰ লগে লগে বন্দী প্ৰজননৰ সফলতাৰ কাহিনীও ক’বলগীয়া আছে! অসম ৰাজ্যিক চিৰিয়াখানাত নতুন অতিথি হৈছে ‘পৰী’ৰ পৰা জন্ম হোৱা #গঁড় পোৱালি।’
লগতে পঢ়কঃ নিদ্ৰাহীনতাত ভুগিছে! নিশা ভাল টোপনিৰ বাবে চেষ্টা কৰি চাওক এই ৩-২-১ৰ গোল্ডেন ৰুল
চিৰিয়াখানাখনত এতিয়া চাৰিটা মাইকী আৰু তিনিটা মতাকে ধৰি আঠটা এশিঙিয়া গঁড় আছে আৰু পোৱালিটোৰ নাম বা লিংগ নিৰ্ণয় কৰা হোৱা নাই।
এক্সৰ পোষ্টটোত বন বিভাগে লগতে কয়, ‘২০১৩ চনৰ পিছত প্ৰথমবাৰৰ বাবে অসম ৰাজ্যিক চিৰিয়াখানাই গঁড়ৰ জন্মৰ সাক্ষী হৈছে। পোৱালিটোৰ উপৰিও চিৰিয়াখানাখনত ৪টা মাইকী আৰু ৩টা মতা গঁড় আছে।’
ৰাজ্যখনৰ একমাত্ৰ চিৰিয়াখানাখন প্ৰায় ১৩০০টা জীৱ-জন্তুৰ বাসস্থান।
লগতে পঢ়কঃ তিনিদিনীয়া কৰ্মশালা : বগা হাতীৰ দেশ থাইলেণ্ডত কাজিৰঙাৰ মাউত
উত্তৰ-পূৰ্বাঞ্চলৰ সৰ্ববৃহৎ চিৰিয়াখানাখনলৈ হাজাৰ হাজাৰ দৰ্শনাৰ্থী আহি তাত থকা কিছুমান বিলুপ্তপ্ৰায় আৰু বিদেশী প্ৰাণী প্ৰজাতিৰ দৰ্শনৰ অভিজ্ঞতা লয়।
