অসমৰ কলেজীয়া ছাত্ৰী মঞ্জিতা বৰুৱাই বৃহস্পতিবাৰে ক’লকাতাৰ বৃটিশ্ব ডেপুটি হাই কমিছনৰ নেতৃত্ব দিয়ে।
আন্তঃৰাষ্ট্ৰীয় কন্যা শিশু দিৱস ২০১৯ উপলক্ষে ২০ বছৰীয়া মঞ্জিতাই এদিনলৈ ক’লকাতাৰ কূটনৈতিক মিছনটোৰ নেতৃত্ব দিয়াৰ সুযোগ লাভ কৰিছে।
মঞ্জিতাই কমিছনৰ নে’টৱৰ্ক, বিভাগীয় ব্ৰীফিঙৰ লগতে গুৰুত্বপূৰ্ণ অংশীদাৰ আৰু মিডিয়াৰ সৈতে কথা হোৱাৰ সুযোগ লাভ কৰে।
২০১৬ চনৰ পৰা বৃটিশ্ব হাই কমিছনে ভাৰতীয় তৰুণীসকলক– এদিনৰ বাবে ডিপ্লমে’টিক মিছনটোৰ নেতৃত্বদান—ৰ অনন্য সুযোগ আগবঢ়াই আহিছে।
এইবাৰ তৃতীয় বৰ্ষত ভৰি দিয়া এই হাই কমিছনাৰ ফৰ এ’ দে’ প্ৰতিযোগিতা ১৮ৰ পৰা ২৩বছৰ বয়সৰ ভাৰতীয় তৰুণীৰ বাবে মুকলি থাকে।
বাচনি প্ৰক্ৰিয়াত আবেদনকাৰীসকলক “লিংগ সমতা কিয় গুৰুত্বপূৰ্ণ আৰু এই বিষয়ত তেওঁলোকৰ সৰ্বোত্তম প্ৰেৰণা কোন?”–বিষয়ক এটা এক মিনিটৰ ভিডিঅ’ প্ৰস্তুত কৰিবলৈ কোৱা হয়।
মঞ্জিতা বৰ্তমান শিলচৰৰ নেচনেল ইন্সটিটিউট অৱ টে’কনলজিৰ ইলেক্ত্ৰনিক আৰু কমিউনিকে’চন ইঞ্জিনিয়াৰিঙৰ বি টেক ছাত্ৰী।
মঞ্জিতাৰ কৃত্ৰিম বুদ্ধিমত্তা (AI) বিষয়ত ৰাপ আছে আৰু আৰ্ট আৰু সংগীত তেওঁৰ হবি।
এই সুযোগে মঞ্জিতাক কূটনৈতিক সম্পৰ্ককে ধৰি ডেপুটি হাই কমিছনাৰৰ এটা দিনৰ বিভিন্ন দিশসমূহ নিৰীক্ষণ কৰা, শিকা আৰু অভিজ্ঞতা লাভৰ এক মঞ্চ প্ৰদান কৰিলে।
মঞ্জিতাই লিংগ সমতাৰ প্ৰসাৰ আৰু মানৱ সৰবৰাহ ৰোধাৰ বাবে ইউকেই লোৱা পদক্ষেপসমূহৰ বিষয়েও জনাৰ সুযোগ পালে।
ইউকেই আগবঢ়োৱা ব্যৱসায়-বাণিজ্যৰ সুযোগসমূহ তেওঁ দিনজুৰি জানিব পাৰিলে। কমিছনৰ নীতি বিষয়ক গোটে তেওঁক চ্চিভেনিং জলপানি আৰু ফেল’শ্বিপসমূহ আৰু ইউকে কিদৰে এক বিশ্ব উচ্চ শিক্ষা কেন্দ্ৰ সেই বিষয়ে অৱগত কৰিলে।
ইউকেৰ ক্ৰীড়াক্ষেত্ৰত শক্তি, আৰু জলবায়ু পৰিৱৰ্তনৰ দৰে বিষয়সমূহ মোকাবিলাত ভাৰতৰ সৈতে ইয়াৰ চিৰকলীয়া মিত্ৰতাৰ বিষয়েও মঞ্জিতাই জানিব পাৰিলে।
মঞ্জিতা বৰুৱাই ক’লে: “কন্যা শিশুৰ প্ৰতি কোনো পুৰুষ-মহিলাই সাধ্যানুসাৰে নিজৰ অংশখিনি কৰিবলৈ আগবাঢ়ি আহিলে, ই সমন্বিত সামৰ্থ্য হ’ব বৃ্হৎ। ই পৃথিৱীখনক এক উন্নততৰ আৰু সুৰক্ষিত আৱাসস্থল কৰি তোলাত এক ধনাত্মক প্ৰভাৱদায়ী এক লক্ষণীয় পৰিৱৰ্তন আনিব।”
ক’লকাতাৰ বৃটিশ্ব ডেপুটি হাই কমিছনাৰ ব্ৰ্যুচ বাকনেলে কয়: “ইউকে আৰু ভাৰতে গোলকীয় শক্তি হিচাপে চিৰদিনে কাম কৰি আহিছে। লিংগ সমতা প্ৰসাৰৰ গুৰুত্ব আমি ভাৰতৰ সৈতে বিনিময় কৰো।”
“মই সুখী যে তৰুণী নাৰীক তেওঁলোক যে ভৱিষ্যতৰ নেতা সেই কথা প্ৰদৰ্শন কৰি আৰু তেওঁলোকৰ মত বিনিময় কৰাৰ এক মঞ্চ প্ৰদান কৰি ‘আন্তঃৰাষ্ট্ৰীয় কন্যা শিশু দিৱস’ পালন কৰিবলৈ সক্ষম হৈছো,” বাকনেলে কয়।
মঞ্জিতাৰ এদিন কাৰ্য্যসূচীত বৃটিশ্ব কাউন্সিল পৰিদৰ্শন আৰু তেওঁলোকৰ কৰ্মচাৰীৰ সৈতে কথা-বাৰ্তা আৰু তেওঁলোকৰ সৃষ্টিশীলতা আৰু পুথিভঁৰাল সেৱাৰ অভিজ্ঞতা গ্ৰহণৰ সুবিধাও অন্তৰ্ভুক্ত আছিল।
