নৱেম্বৰৰ দ্বিতীয় সপ্তাহত বাংলাদেশৰ চিটাগং পাহাৰীয়া অঞ্চলৰ দুখন গাঁৱত অসমৰ ১৫ জনীয়া সাংস্কৃতিক দলে বিহু আৰু বাগৰুম্বা প্ৰদৰ্শন কৰিব। দেওবাৰে চৰকাৰী সূত্ৰই এই কথা জানিবলৈ দিয়ে।
অসম আৰু বাংলাদেশৰ মাজত বন্ধুত্বপূৰ্ণ সম্পৰ্ক অধিক শক্তিশালী কৰাৰ বাবে ইয়াৰ সদিচ্ছামূলক অভিযানৰ অংশ হিচাপে সাংস্কৃতিক দলটোৰ সৈতে অসম বিধান সভাৰ সদস্যসকলৰ এটা দলো যাব।
অসম বিধান সভাৰ এজন বিষয়াই কয় যে শিল্পীসকলৰ দলটোৱে সাংস্কৃতিক বিনিময় কাৰ্যসূচীত বাংলাদেশৰ চিটাগং পাহাৰীয়া অঞ্চলৰ ৰঙামাটিত এক অনুষ্ঠানত বিহু নৃত্য পৰিৱেশন কৰিব। দলটোৱে গাওঁখনৰ বাসিন্দাসকলৰ সৈতেও বাৰ্তালাপ কৰিব, য’ত অসমীয়া ভাষী লোকৰ আধিপত্য আছে।
লগতে পঢ়ক: ঝাৰখণ্ডত বৃহৎ পৰিমাণৰ বিস্ফোৰক সামগ্ৰী উদ্ধাৰ: আৰক্ষীয়ে ধ্বংস কৰিলে মাওবাদী নিৰ্মিত সুৰংগ
দলটোৱে চিটাগং পাহাৰীয়া অঞ্চলত অৱস্থিত বাংলাদেশৰ বড়ো অধ্যুষিত গাওঁ খাগ্ৰাচাৰীত অনুষ্ঠিত হ’বলগীয়া আন এক অনুষ্ঠানত বাগৰুম্বা নৃত্যও প্ৰদৰ্শন কৰিব।
অসম বিধান সভাৰ ৩৫ জন বিধায়কৰ সৈতে সাংস্কৃতিক দলটো ১৮ নৱেম্বৰত বাংলাদেশলৈ ৰাওনা হ’ব আৰু ২৩ নৱেম্বৰত উভতি আহিব।
প্ৰতিনিধি দলটোৰ আন কেইজনমান সদস্য হৈছে- ৰকিবুল হুছেইন, ৱাজেদ আলী চৌধুৰী, বসন্ত দাস, কামলাক্ষ্য দে পুৰকায়স্থ, ৰেকিবুদ্দিন আহমেদ, আব্দুৰ ৰছিদ মাণ্ডল, দিগন্ত বৰ্মন, আফতাব উদ্দিন মোল্লা, শিবামনি বৰা, তেৰাছ গোৱালা, জয়ন্ত বসুমতাৰী, লৰেন্স ইছলাৰী, উৎপল বৰা, ৰূপক শৰ্মা, সুমন হৰিপ্ৰিয়া, সুৰেন ফুকন, জলেন দৈমাৰী, ৰূপেশ গোৱালা, মনোৰঞ্জন তালুকদাৰ, নিজামুদ্দিন চৌধুৰী, ৰফিকুল ইছলাম, আমিনুল ইছলাম, কৰিম উদ্দিন লস্কৰ বৰভূঞা আৰু চুজান উদ্দিন লস্কৰ।
লগতে পঢ়ক: খেতিপথাৰত সন্ত্ৰাস বনৰীয়া গাহৰিৰ: গাহৰিৰ আক্ৰমণত প্ৰাণ হেৰুৱালে এগৰাকী মহিলাই, ছয়গৰাকী আহত
অসম বিধান সভাৰ অধ্যক্ষ বিশ্বজিৎ দৈমাৰী আৰু বিৰোধী দলৰ নেতা দেৱব্ৰত শইকীয়াৰ নেতৃত্বত প্ৰতিনিধি দলটোৱে ২০ নৱেম্বৰৰ সন্ধিয়া প্ৰধানমন্ত্ৰী শ্বেখ হাছিনাক সাক্ষাৎ কৰাৰ কথা আছে। প্ৰতিনিধি দলটোৱে একেদিনাই বাংলাদেশৰ আন কেইজনমান মন্ত্ৰীকো সাক্ষাৎ কৰিব।
এই ভ্ৰমণকালত অসমৰ বিধায়কসকলে বাংলাদেশৰ সংসদৰ অধ্যক্ষ ছিৰিন শৰ্মিন চৌধুৰীক সাক্ষাৎ কৰিব।
লগতে পঢ়ক: তাঞ্জানিয়াৰ ভয়াৱহ বিমান দুৰ্ঘটনা: নিহতৰ সংখ্যা ১৯ গৰাকীলৈ বৃদ্ধি, অব্যাহত উদ্ধাৰ অভিযান
প্ৰতিনিধি দলটো ১৫ নৱেম্বৰত আগৰতলালৈ ৰাওনা হ’ব আৰু আগৰতলাত নিশা কটোৱাৰ পিছত তেওঁলোকে পথৰে ঢাকালৈ যাত্ৰা কৰিব।
