কা বিৰোধী স্থিতি গ্ৰহণ কৰা ৰাজনৈতিক দলক ভোট দিয়াৰ আহ্বান জনাই তথা মিত্ৰ জোঁটৰ প্ৰাৰ্থীৰ বিপক্ষে ভোটাধিকাৰ সাব্যস্ত কৰিবলৈ ৰাইজক সজাগ কৰাৰ উদ্দেশ্যে আজি ছাত্র সন্থাই টীয়কৰ ৰাজপথত বৃহৎ মটৰ চাইকেল ৰেলী উলিয়াই।
সদৌ অসম ছাত্ৰ সন্থাৰ আহ্বানত টীয়ক, শিমলুগুৰি আৰু লাহিং আঞ্চলিক ছাত্ৰ সন্থাৰ আহ্বানত টীয়ক হাইস্কুলৰ খেলপথাৰৰ পৰা উলিওৱা এই ৰেলীত যুৱ ছাত্ৰ পৰিষদকে ধৰি বহু দল সংগঠনৰ প্ৰতিনিধিয়ে অংশগ্ৰহণ কৰে।
উল্লেখযোগ্য যে টীয়ক সমষ্টিত অগপই অসমৰ অন্যতম যুৱনেতা সিংহ যুৱক ললিত চন্দ্ৰ ৰাজখোৱাৰ আঞ্চলিকতাবাদৰ আদৰ্শ তথা অসম চুক্তিক ভৰিৰে মোহাৰি বিজেপিৰ লগত কেৱল ক্ষমতাৰ লোভত মিলিত হৈ অসমীয়া জাতিৰ স্বাভিমানত যি আঘাত হানিছে বুলি অভিযোগ কৰিছে আছুৱে।
ৰেলীত অংশগ্ৰহণকাৰী আছুৰ নেতাসকলে ইয়াৰ তাৰ প্ৰত্যুত্তৰ অহা ২৭ তাৰিখে ভোটৰ বাকচত দিবলৈ ৰাইজক আহ্বান জনাইছেl
