কৰ’না ভাইৰাছক লৈ চলি থকা বিভিন্ন গৱেষণাৰ মাজতে শেহতীয়াকৈ পোহৰলৈ আহিছে এক চাঞ্চল্যকৰ তথ্য।
কৰ’না ভাইৰাছত উপসৰ্গহীন আক্ৰান্তসকলৰ শৰীৰত গঠন হোৱা এন্টিবডী উপসৰ্গ প্ৰকাশ পোৱা ৰোগীসকলৰ তুলনাত দ্ৰুতভাৱে হ্ৰাস পায়।
লণ্ডনৰ ইম্পেৰিয়েল কলেজ এণ্ড ৰিচাৰ্ছ প্ৰতিষ্ঠান ইপছ’ছেৰ গৱেষণাত প্ৰাকশ পোৱা এই তথ্যৰ লগতে কোৱা হৈছে যে ৭৫বা ইয়াৰ ওপৰৰ বয়সৰ লোকৰ তুলনাত ১৮ৰ পৰা ২৪বছৰৰ ভিতৰৰ বয়সৰ লোকসকলৰ এন্টিবডী হেৰুওৱাৰ হাৰ মন্থৰ গতিৰ।
যোৱা জুনৰ পৰা ছেপ্টেম্বৰৰ শেষলৈকে ইংলেণ্ডত হাজাৰ লোকৰ নমুনা লৈ গৱেষকসকলে দেখিছে যে এক চতুৰ্থাংশৰ বেছিভাগ ক্ষেত্ৰতে ভাইৰাছ এন্টিবডীৰ বৃদ্ধি হ্ৰাস পাইছে।
অৱশ্যে, ইয়াক এক জটিল গৱেষণা বুলি উল্লেখ কৰি ব্ৰিটেইন চৰকাৰৰ স্বাস্থ্য মন্ত্ৰ্যালয়ৰ এগৰাকী জুনিয়ৰ মন্ত্ৰী জেমন বেথেলে কয় যে সময়ৰ লগে লগে কোভিড-১৯ৰ এন্টিবডীৰ গতি-প্ৰকৃতি বুজাত এই গৱেষণাই সহায় কৰিব।
ইম্পেৰিয়েল কলেজ অফ পাব্লিক হেলথৰ বিজ্ঞানী পল এলিয়েনে কয়,’’কি পৰিমানৰ এন্টিবডী পোৱা যায় আৰু এই ইম্যুনিটি কিমানদিন স্থায়ী হয় সেয়া এতিয়াও জানিব পৰা হোৱা নাই।‘’
উক্ত গৱেষণাৰ সময়ছোৱাত ৰেণ্ডম ভিত্তিত বাছনি কৰা ৩লাখ ৬৫হাজাৰ প্ৰাপ্ত বয়স্ক লোকৰ পৰা কৰ’না ভাইৰাছ এন্টিবডী লোৱা হয়। প্ৰায় তিনিমাহ পাছত এন্টিবডীৰ মাত্ৰা ২৬.৫শতাংশ হ্ৰাস পোৱা ধৰা পৰে।
গৱেষণাত পোৱা যায় যে আক্ৰান্তসকলৰ ভিতৰত কোনো উপসৰ্গ নথকাসকলৰ এন্টিবডীৰ মাত্ৰা অধিক হ্ৰাস পাইছে।
