মেক্সিকোৰ অ’ক্সাকা প্ৰদেশত দেওবাৰে এখন যাত্ৰীবাহী ৰে’ল ৰে’লপথৰ পৰা লাইনচ্যুত হোৱাৰ ফলত এক বৃহৎ দুৰ্ঘটনা সংঘটিত হয়। মেক্সিকান নৌসেনাই দিয়া তথ্য অনুসৰি নিজাণ্ডা চহৰৰ সমীপত ৰে’লখন দুৰ্ঘটনাগ্ৰস্ত হয়।
দুৰ্ঘটনাৰ সময়ত ৰে’লখনত মুঠ ২৫০ জন যাত্ৰী আছিল, য’ত ২৪১ জন যাত্ৰী আৰু ৯ জন ক্ৰু মেম্বাৰ আছিল। এই দুৰ্ঘটনাত ১৩ জন লোকে প্ৰাণ হেৰুৱায়। আহত ৯৮ জন, ইয়াৰে ৩৬ জন চিকিৎসাধীন হৈ আছে।
আহতসকলৰ ভিতৰত ৫জনৰ অৱস্থা সংকটজনক। সৌভাগ্যক্ৰমে ১৯৩ জন যাত্ৰী বিপদৰ পৰা ৰক্ষা পৰে। মেক্সিক’ৰ ৰাষ্ট্ৰপতি ক্লাউডিয়া শ্বেইনবামে ছ’চিয়েল মিডিয়া প্লেটফৰ্ম এক্সত কয় যে আহতসকলক মাটিয়াছ ৰোমেৰো আৰু চেলিনা ক্ৰুজৰ বিভিন্ন চিকিৎসালয়ত চিকিৎসাধীন হৈ আছে। মৃতকৰ পৰিয়ালক সহায়ৰ বাবে দুৰ্ঘটনাস্থলীলৈ উচ্চ পদস্থ বিষয়া প্ৰেৰণ কৰা হৈছে।
ইতিমধ্যে মেক্সিকান এটৰ্নী জেনেৰেলৰ কাৰ্যালয়ে এই ঘটনাৰ তদন্ত আৰম্ভ কৰিছে। ২০২৩ চনত প্ৰাক্তন ৰাষ্ট্ৰপতি আন্দ্ৰেছ মেনুৱেল লোপেজ অব্ৰাডৰৰ অধীনত এই ট্ৰেন্সআটলাণ্টিক ৰে’লখন উদ্বোধন কৰা হৈছিল। ই মেক্সিকোৰ প্ৰশান্ত মহাসাগৰীয় বন্দৰ চেলিনা ক্ৰুজক মেক্সিকোৰ উপসাগৰীয় উপকূলৰ কোটজাকোআলকছৰ সৈতে সংযোগ কৰে।
মেক্সিকোৰ এক অভিলাষী অৰ্থনৈতিক প্ৰকল্পৰ অংশ এই ৰে’ল সেৱা। পানামা খালৰ বিকল্প হিচাপে বাণিজ্যিক কৰিডৰ সৃষ্টি কৰিবলৈ ৰে’লপথটো আধুনিকীকৰণ কৰা হৈছে। মেক্সিকো চৰকাৰে দক্ষিণ মেক্সিকোৰ অৰ্থনৈতিক উন্নয়ন আৰু সামগ্ৰী আৰু যাত্ৰী পৰিবহণৰ সুবিধাৰ বাবে এই বৃহৎ পদক্ষেপ গ্ৰহণ কৰিছে।
