উত্তৰাখণ্ডত সংঘটিত হৈছে এক ভয়ংকৰ দুৰ্ঘটনা। বিবাহযাত্ৰী কঢ়িওৱা বাছ খাৱৈত পৰি কমেও ৩০ জন লোকৰ মৃত্যু ঘটিছে। বহু আহত হৈছে। ঘটনাস্থলীত যুদ্ধকালীন তৎপৰতাৰে উদ্ধাৰ অভিযান আৰম্ভ কৰা হয়। আহতসকলক উদ্ধাৰ কৰি ততাতয়াকৈ স্থানীয় চিকিৎসালয়লৈ লৈ যোৱা হয়।
দুৰ্ঘটনাত হতাহতৰ সংখ্যা বৃদ্ধি পাব পাৰে বুলি আশংকা কৰিছে প্ৰশাসনে। ইতিমধ্যে আৰক্ষীয়ে দুৰ্ঘটনাটোৰ তদন্ত আৰম্ভ কৰিছে। উত্তৰাখণ্ড বিধানসভাৰ অধ্যক্ষ ঋতু খান্দুৰী খবৰ পোৱাৰ পিছতে ঘটনাস্থলীত গৈ উপস্থিত হয়। তাতে তেওঁ স্থানীয় ৰাইজৰ প্ৰতিবাদৰ সন্মুখীন হয় ।
জানিব পৰা মতে, শুকুৰবাৰে নিশা প্ৰায় ৮ বজাত উত্তৰাখণ্ডৰ পুৰী জিলাত সংঘটিত হয় এই দুৰ্ঘটনা। বাছখনে দৰাক লৈ গৈ আছিল হৰিদ্বাৰৰ লালধঙৰ পৰা পুৰীৰ বীৰংঘল গাঁৱলৈ। কইনাৰ ঘৰৰ পৰা মাত্ৰ দুই কিলোমিটাৰ আঁতৰত নিয়ন্ত্রণ হেৰুৱালে বাছ চালকজনে। বাছখন ২০০ ফুট দ খাৱৈত বাগৰি পৰে।
লগতে পঢ়কঃ যুদ্ধভূমি লেবানন! ইজৰাইলৰ আক্ৰমণত নিহতৰ সংখ্যা ২০০০ অতিক্ৰম, গৃহহীন লাখ লাখ লোক
আৰক্ষীৰ সূত্ৰ অনুসৰি সেই সময়ত বাছখনত ৪০ৰ পৰা ৫০জন লোক আছিল। খাৱৈত পৰাৰ লগতেই যাত্ৰীসকলৰ আৰ্ত চিঞৰত হাহাকাৰ অৱস্থাৰ সৃষ্টি হয়। স্থানীয় ৰাইজ দৌৰি ওলাই আহে। আৰক্ষীক খৱৰ দিয়া হয়। SDRF আৰু স্থানীয় আৰক্ষীয়ে ক্ষীপ্ৰতাৰে তাত আহি উপস্থিত হয়। সকলোৰে সহযোগত যুদ্ধকালীন কাম-কাজত উদ্ধাৰ কাম আৰম্ভ হয়। কিন্তু ২৫-৩০ জন লোকে থিতাতে প্ৰাণ হেৰুৱালে। আহতসকলক স্থানীয় চিকিৎসালয়লৈ প্ৰেৰণ কৰা হয়। ইয়াৰে কিছুমানৰ অৱস্থা সংকটজনক।
উত্তৰাখণ্ড বিধানসভাৰ অধ্যক্ষ ঋতু খান্দুৰী এই মৰ্মান্তিক দুৰ্ঘটনাৰ খবৰ পাই ঘটনাস্থলীত আহি উপস্থিত হয়। কিন্তু তাত তেওঁক স্থানীয় লোকে ঘেৰি ধৰে। সকলোৱে তীব্ৰ বিক্ষোভ প্ৰদৰ্শন কৰে।
লগতে পঢ়কঃ প্ৰেমিকক গছত বান্ধি থৈ যুৱতীক দলবদ্ধ ধৰ্ষণ! পুনেত ভয়ংকৰ ঘটনা
সকলোৱে বহুত ফূৰ্তি-হুলস্থুল কৰি বিয়াঘৰলৈ গৈ আছিল। কিন্তু সেই আনন্দ ক্ষন্তেকতে বিষাদলৈ পৰিণত হয়। এই ঘটনাত পৰিয়াল দুটাৰ ওপৰত শোকৰ ছাঁ পেলাইছে। আৰক্ষীয়ে তদন্ত অব্যাহত ৰাখিছে।
