গৰু হত্যাৰ উৰাবাতৰিত য’ত সাধাৰণতে মানুহৰ হত্যা সংঘটিত হয় সেই বিজেপি শাসিত মধ্যপ্ৰদেশত ঘটিছে নৃশংস গৰু হত্যাৰ ঘটনা। ৰে’লৰ দলঙৰ পৰা কমেও ৫০টা গৰু পেলাই দিয়া হয়। এই অত্যন্ত অমানৱীয় ঘটনাত ১৫ৰ পৰা ২০টা গৰুৰ মৃত্যু হয়। চৰম বৰ্বৰতাৰ এই ভিডিঅ’টো ছ’চিয়েল মিডিয়াত ভাইৰেল হোৱাৰ পিছতে আৰক্ষী তৎপৰ হৈ পৰে।
শেহতীয়াকৈ ছচিয়েল মিডিয়াত ভাইৰেল হোৱা ভিডিঅ’টোত দেখা গৈছে যে মধ্যপ্ৰদেশৰ সাতনা নদীত এজাক গৰু ভাহি গৈছে। তদন্তত আৰক্ষীয়ে জানিব পাৰিছে যে মঙলবাৰে সন্ধিয়া বামহোৰৰ সমীপৰ ৰে’ল দলঙৰ পৰা গৰু কেইটা নদীত পেলাই দিয়া হৈছিল। কমেও ৫০টা গৰু পেলাই দিয়া হয় আৰু ইয়াৰে ১৫ৰ পৰা ২০টা গৰু মৃত্যুমুখত পৰে।
লগতে পঢ়কঃ হিমন্ত বিশ্ব শৰ্মাৰ সাম্প্ৰদায়িক মন্তব্যৰ বিৰুদ্ধে দিছপুৰ থানাত গোচৰ বিৰোধী ঐক্য মঞ্চৰ
ঘটনাৰ তদন্তৰ অন্তত আৰক্ষীয়ে ৪ জন লোকক গ্ৰেপ্তাৰ কৰে। তেওঁলোক হ’ল বেটা বাগৰি, ৰবি বাগৰি, ৰামপাল চৌধুৰী আৰু ৰাজলু চৌধুৰী। এই ৪ জন লোকৰ বাহিৰে আন কোনো লোক জড়িত আছে নে নাই তাৰ তদন্ত চলি আছে। নদীত উটি যোৱা কিছু গৰু উদ্ধাৰ কৰে আৰক্ষীয়ে।
আৰক্ষীৰ মতে, এই ঘটনাৰ লগত জড়িত লোকৰ সন্ধান আৰম্ভ হৈছে। ইতিমধ্যে ৪ জন লোকক গ্ৰেপ্তাৰ কৰা হৈছে। আমি সমগ্ৰ ঘটনাৰ তদন্ত আৰম্ভ কৰিছো। কিমান গৰু পেলাই দিয়া হ’ল, সেই সংখ্যা আমাৰ বাবে এতিয়াও স্পষ্ট হোৱা নাই। কিন্তু অনুমান কৰা হৈছে যে কমেও ৫০ টা গৰু আছিল। ইয়াৰে কিছুমান উদ্ধাৰ হৈছে যদিও অধিকাংশ গৰু সন্ধানহীন।
सोशल मीडिया के द्वारा प्रकरण संज्ञान में आते ही मामले में थाना नागोद में अपराध क्रमांक 535/24 धारा 325, 3(5) भारतीय न्याय संहिता (बी एन एस), 4/9 म.प्र. गौ-वंश वध प्रतिषेध अधिनियम 2004 का अपराध आरोपियों के विरुद्ध पंजीबद्ध कर कार्यवाही जारी है। @CMMadhyaPradesh @DGP_MP @IG_Rewa https://t.co/2jIn9tqy0M
— SP_SATNA (@satna_sp) August 28, 2024
উল্লেখ্য যে মধ্যপ্ৰদেশ গোবলয়ৰ অন্যতম প্ৰধান ৰাজ্য হিচাপে পৰিচিত হৈছে। বিজেপি শাসিত ৰাজ্যখনত গো-বধ আৰু গো-সম্পৰ্কীয় হিংসাৰ বিৰুদ্ধে আছে কঠোৰ আইন। এই ৰাজ্যত গো সৰবৰাহৰ সন্দেহত গণপ্ৰহাৰ আৰু নৃশংস হত্যাৰ একাধিক ঘটনা সংঘটিত হৈছে। তাতেই এইবা ইমানবোৰ গৰু নিৰ্মমভাৱে হত্যা কৰাৰ ঘটনাই তোলপাৰ লগাইছে।
