বৈষ্ণোদেৱী ভ্ৰমণৰ পথত তীৰ্থযাত্ৰী কঢ়িওৱা এখন বাছৰ সৈতে এখন ট্ৰাকৰ সংঘৰ্ষ ঘটে। এই দুৰ্ঘটনাত একেটা পৰিয়ালৰ ৭ জন লোকৰ মৃত্যু হয়। আহত হৈছে কমেও ২৫জন লোক।
শুকুৰবাৰে পুৱা আম্বালা-দিল্লী-জম্মু ৰাষ্ট্ৰীয় ঘাইপথত সংঘটিত হয় এই ঘটনা। এজন বাছ যাত্ৰীয়ে দাবী কৰিছে যে চালকজন মদ্যপান কৰি আছিল। নিয়ন্ত্ৰণ হেৰুৱাৰ বাবেই সংঘটিত হয় এই দুৰ্ঘটনা। পলাতক চালকজনক বিচাৰি অভিযান চলাইছে আৰক্ষীয়ে।
লগতে পঢ়কঃ ছত্তীশগড়ৰ বনাঞ্চলত তুমুল সংঘৰ্ষ, নিৰাপত্তাৰক্ষীৰ হাতত নিহত ৭জন মাওবাদী
জানিব পৰা মতে, দুৰ্ঘটনা সংঘটিত হোৱাৰ সময়ত যাত্ৰীসকল শুই আছিল। ঘটনাৰ খবৰ পোৱাৰ লগে লগেই ঘটনাস্থলীত আৰক্ষী উপস্থিত হৈ উদ্ধাৰ কাৰ্য আৰম্ভ কৰে। আহত সকল চিকিৎসালয়ত ভৰ্তি কৰোৱা হয় আৰু তেওঁলোক বৰ্তমান চিকিৎসাধীন হৈ আছে।
প্ৰাথমিকভাৱে জানিব পৰা মতে, বাছখনত ৩০ জন যাত্ৰী থকাৰ খবৰ পোৱা গৈছে। হাৰিয়ানাৰ কুণ্ডলী-মনেছাৰ-পালৱাল এক্সপ্ৰেছৱে’ত প্ৰৱেশ কৰাৰ মাত্ৰ দুই কিলোমিটাৰ পূৰ্বে বাছখনে নিয়ন্ত্ৰণ হেৰুৱাই এখন ট্ৰাকত খুন্দা মাৰে। বাছখনৰ সন্মুখৰ অংশটো ছিন্নভিন্ন হৈ পৰে।
লগতে পঢ়কঃ `দেশলৈ উভতি আহি আত্মসমৰ্পণ কৰক’! নাতিয়েক প্ৰজ্জললৈ প্ৰাক্তন প্ৰধানমন্ত্ৰী দেৱগৌড়াৰ বাৰ্তা
দুৰ্ঘটনাটোত পতিত হোৱা বাছখনৰ ভিতৰত থকা আটাইকেইজন যাত্ৰীয়ে পঞ্জাৱৰ হোছিয়াৰপুৰ আৰু লুধিয়ানাৰ বাসিন্দা। মৃত লোককেইজনৰ মৃতদেহ মৰণোত্তৰ পৰীক্ষাৰ বাবে প্ৰেৰণ কৰা হৈছে। ইফালে আহতসকলৰ অৱস্থা সংকটমুক্ত বুলি জানিব পৰা গৈছে।
