প্ৰধানমন্ত্ৰী নৰেন্দ্ৰ মোদীয়ে দেশত আৰম্ভ কৰিছিল এক নতুন শ্ল’গান। এই শ্ল’গানটো আছিল ‘আত্মনিৰ্ভৰ ভাৰত’।
এই শ্ল’গানৰ অনুপ্ৰেৰণাতে এইবাৰে ভাৰতত প্ৰস্তুত কৰা হৈছে ‘আত্মনিৰ্ভৰ এপ’ নামৰ এটা এণ্ড্ৰয়ড এপ।
উল্লেখ্য যে চীনৰ সৈতে সৃষ্টি হোৱা সীমা বিবাদৰ উত্তেজনাৰ সময়তে ভাৰতে চীনত তৈয়াৰ কৰা প্ৰায় ১০০ এপছ নিষিদ্ধ কৰিছিল।
চীনত তৈয়াৰী এণ্ড্ৰয়ড এপবোৰ ভাৰতত নিষিদ্ধ কৰাৰ পিছত ভাৰতৰ এটা প্ৰতিষ্ঠানে ‘আত্মনিৰ্ভৰ’ নামৰ এটা এপ প্ৰস্তুত কৰি উলিয়াইছে।
প্ৰধানমন্ত্ৰী ‘লোকেল পে ভোকেল’ কৰ্মসূচীৰ প্ৰেৰণাৰে মিত্ৰোঁ নামৰ প্ৰতিষ্ঠানটোৱে তৈয়াৰ কৰিছে এই এপটো।
জানিব পৰা মতে ‘আত্মনিৰ্ভৰ’ নামৰ এই এপটো ডাউনল’ড কৰিলে ভাৰতত তৈয়াৰ হোৱা একাধিক এপ লাভ কৰিব ইউজাৰসকলে।
অৱশ্যে এণ্ড্ৰয়ড ডিভাইচৰ বাবে তৈয়াৰ কৰা এই এপটো iOS ফ্লেটফৰ্মত কেতিয়া মুকলি কৰা হ’ব সেয়া জানিব পৰা হোৱা নাই।
যোৱা ৩১ অক্টোবৰত মিত্ৰোঁ সংস্থাই এপটো মুকলি কৰিছে। গুগল প্লে ষ্ট’ৰৰ পৰা ইউজাৰসকলে ১২ এম বিৰ এই ‘আত্মনিৰ্ভৰ’ এণ্ড্ৰয়ড এপটো ডাউনল’ড কৰিব পাৰিব।
ডাউনল’ড কৰি এপটো অপেন কৰাৰ লগে লগে এপটোৰ ভিতৰত ভাৰতত তৈয়াৰ কৰা একাধিক এপ লাভ কৰিব ইউজাৰসকলে।
জানিব পৰা মতে ভাৰতত তৈয়াৰী আৰোগ্য এপ, BHIM UPI, MyGov, PMO India, mPassport Seva, UMANG আদি একাধিক লাভ কৰিব ইউজাৰসকলে।
