গ্ৰীষ্মকাল আহিবলৈও এতিয়া সময় আছে। কিন্তু বসন্তৰ আৰম্ভণীতে ভয়ানকভাবে বৃদ্ধি পাইছে উষ্ণতা।
প্ৰতিবেদনত কোৱা হৈছে যে এইটো ১২৪ বছৰৰ ভিতৰত আটাইতকৈ উষ্ণ ফেব্ৰুৱাৰী মাহ। ভাৰতৰ গড় তাপমাত্ৰা ফেব্ৰুৱাৰীত মাহত ২২ ডিগ্ৰী চেলছিয়াছতকৈ অধিক বৃদ্ধি পাইছে।
যোৱা কেইবছৰমানৰ পৰা বতৰৰ চৰম অৱস্থা অতিশয় বৃদ্ধি পাইছে, কেৱল ভাৰততে নহয়, সমগ্ৰ বিশ্বতে। আমেৰিকাকে ধৰি ইউৰোপীয় দেশসমূহত বনজুই এক সাধাৰণ ঘটনাত পৰিণত হৈছে।
আৰবৰ দৰে মৰুভূমিত অস্বাভাৱিক বৰষুণ দেখা গৈছে। আনহাতে ভাৰতৰ উপকূলীয় ৰাজ্যসমূহত ধুমুহাৰ সৃষ্টি হোৱাৰ লগতে উত্তৰ ভাৰত গৰমৰ ঢৌত জ্বলি আছে। বিশেষজ্ঞসকলে বাৰে বাৰে সতৰ্কবাণী জাৰি কৰিছে।
এনে পৰিস্থিতিৰ মাজতে দেশৰ বতৰ বিজ্ঞান বিভাগৰ চাঞ্চল্যকৰ তথ্য ৰাজহুৱা কৰিছে। দাবী কৰা হৈছে যে চলিত বৰ্ষৰ ফেব্ৰুৱাৰী মাহটো ১৯০১ চনৰ পিছত আটাইতকৈ উষ্ণ ফেব্ৰুৱাৰী হিচাপে চিহ্নিত কৰা হৈছে। এই মাহত গড় উষ্ণতা ২২ ডিগ্ৰী বৃদ্ধি পাইছে।
কেৱল সেয়াই নহয়, ৰাতিৰ গড় উষ্ণতাও দেশত ভয়ংকৰভাৱে বৃদ্ধি পাইছে। প্ৰতিবেদন অনুসৰি নিশাৰ গড় তাপমাত্ৰা ১৫ ডিগ্ৰী চেলছিয়াছ বৃদ্ধি পাইছে। মন কৰিবলগীয়া যে যোৱা বৃহস্পতিবাৰে দিল্লীয়ে ৭৪ বছৰৰ ভিতৰত সৰ্বাধিক উষ্ণ ৰাতিৰ উষ্ণতা ৰেকৰ্ড কৰিছিল। নিশাৰ তাপমাত্ৰা চফদৰজংত ১৯.৫ ডিগ্ৰী আছিল।
