গুৱাহাটী প্ৰেছ ক্লাৱত এখন সংবাদ মেল যোগে অসম নিৰ্মান দলৰ সভাপতি উপেন ৰাজ নাথে জনায় যে কা বাতিলৰ বাবে আমি এটি ছাতিৰ তলত সংঘবদ্ধ হোৱা প্ৰয়োজন ৷
মিছকলৰ জৰিয়তে তেওঁ সংঘৱদ্ধ হোৱাৰ কথা কয়। ৯৯৯৯৭২৬৮৮০ নম্বৰটিৰ জৰিয়তে মিছকল দিবলৈ তেওঁ আহ্বান জনায়। কিমান মানুহে কা বিৰোধী প্ৰতিবাদ কৰিছে তাৰ প্ৰতিলিপি লৈ প্ৰধান মন্ত্ৰী,ৰাষ্ট্ৰপতিৰ লগতে প্ৰয়োজন হ’লে ৰাষ্ট্ৰসংঘৰো ওচৰ চাপিব বুলিও জনায়৷
কা বিৰোধী আন্দোলনত জড়িত অসমৰ দল সমূহকো অসমৰ ৰাইজৰ মাজত প্ৰচাৰ কৰি এই নম্বৰটিৰ জৰিয়তে মিছকল দিয়াৰ বাবে আহ্বান জনায় ৷ অসমৰ বাহিৰত থকা অসমীয়া, প্ৰৱাসী অসমীয়াকো আহ্বান কৰে মিছকল দিবলৈ আহ্বান জনাইছে।
এই মিছকল নম্বৰটি মুকলি কৰে কা আন্দোলনৰ শ্বহীন ষ্টেম ষ্টেফৰ্ডৰ পিতৃ বিজু ষ্টেফৰ্ডে৷ লগতে ষ্টেম ষ্টেফৰ্ডৰ পৰিয়ালৰ লোকে অসমৰ সকলো ৰাইজক এই নম্বৰটিৰ জৰিয়তে প্ৰতিবাদ জনাব বুলি আশা কৰে ৷
সভাপতি উপেন ৰাজ নাথ ডাঙৰীয়াই শাসকীয় দল বিজেপিকো কঠোৰ সমালোচনা কৰে৷ কা বিৰোধী পাঁচজন নিৰীহক হত্যা কৰাৰ পিচত ফিল্ম ফেয়াৰ পাতিছে ৷ ফিল্ম ফেয়াৰত ইমান টকা খৰচ কৰাত কৈ অসমৰ সমস্যাসমূহ সমাধানত গুৰুত্ব দিয়া উচিত আছিল ৷