ভৱিষ্যতবাণীৰ বাবে বিখ্যাত বাবা ভাংগাৰ কথা ফলিয়াইছে আখৰে আখৰে। ৯/১১ৰ আক্ৰমণৰ পৰা আৰম্ভ কৰি ৰাজকুমাৰী ডায়েনাৰ ৰহস্যজনক মৃত্যু বা চেৰ্নোবিল দুৰ্যোগলৈকে বাবই যিখিনি ভৱিষ্যদ্বাণী কৰিছিল, সেই সকলোবোৰেই সঁচা বুলি প্ৰতিপন্ন হৈছে।
বাবা ভাংগাই ২০২৪ বৰ্ষৰ বাবেও কেইবাটাও ভৱিষ্যদ্বাণী কৰিছে। চাৰি মাহৰ ভিতৰতে তেওঁৰ ভৱিষ্যদ্বাণীও সঁচা হৈ পৰিছে।
বুলগেৰিয়াৰ এই ৰহস্যময়ী মহিলাগৰাকী সমগ্ৰ বিশ্বতে ভৱিষ্যতবাণীৰ বাবে বিখ্যাত। ১৯৯৬ চনত ৮৫ বছৰ বয়সত বাবা ভাংগা নামৰ মহিলাগৰাকীৰ মৃত্যু হয়।
২০২৪ চনৰ ভৱিষ্যদ্বাণীত বাবা ভাংগাই কেইবাটাও প্ৰাকৃতিক দুৰ্যোগৰ কথা উল্লেখ কৰিছিল। এই বছৰৰ বাবে তেওঁ ব্যাপক জলবায়ু পৰিৱৰ্তনৰ ইংগিত দিছিল। আৰু এই ভৱিষ্যদ্বাণী ইতিমধ্যে সত্য হ’বলৈ আৰম্ভ কৰিছে। শেহতীয়াকৈ এখন বিজ্ঞান আলোচনীয়ে প্ৰকাশ কৰিছে যে সমগ্ৰ বিশ্বতে তাপৰ তৰংগ ৬৭ শতাংশ বৃদ্ধি হৈছে। ৪০ বছৰত ভিতৰত এইবা অভিলেখ সৃষ্টি কৰিছে তাপমাত্ৰাও। তাপ গম্বুজৰ আকৃতিও বাঢ়িছে।
বাবা ভাংগাই মৃত্যুৰ পূৰ্বে কৈছিল যে ২০২৪ চনত চাইবাৰ আক্ৰমণ বহুগুণে বৃদ্ধি পাব। বিশেষকৈ জটিল আন্তঃগাঁথনিৰ ওপৰত চাইবাৰ আক্ৰমণ অব্যাহত থাকিব। যিয়ে পৃথিৱীৰ বাবে বৃহৎ বিপদৰ সৃষ্টি কৰিব। শেহতীয়াকৈ এটা ডাটা ছেট পোৱা গৈছে, য’ত জনা গৈছে যে ডাৰ্ক ৱেবত বহুতো গোপনীয় তথ্য আছে। প্ৰায় ৭ কোটি লোকৰ পাছৱৰ্ড, ছ’চিয়েল ছিকিউৰিটি নম্বৰৰ দৰে গুৰুত্বপূৰ্ণ তথ্য ফাদিল হৈছে। ইয়াৰ পূৰ্বে এপল, মেটা আৰু এক্স কোম্পানীসমূহেও তেওঁলোকৰ গ্ৰাহকৰ তথ্যৰ সুৰক্ষাৰ ক্ষেত্ৰত আপোচ কৰা বুলি প্ৰকাশ কৰিছিল।
বাবা ভাংগাই কৈছিল যে ২০২৪ চনত বিশ্বৰ বিত্তীয় সংকট গভীৰ হ’ব। বিশ্ব অৰ্থনৈতিক শক্তিৰ বৃহৎ পৰিৱৰ্তন হ’ব, ভূ-ৰাজনৈতিক উত্তেজনা বৃদ্ধি পাব। বহু দেশৰ কান্ধত ঋণৰ বোজা বাঢ়িব।
বাবা ভাংগাই নিজৰ ভৱিষ্যদ্বাণীত কৈছিল যে ২০২৪ চনত ইউৰোপত সন্ত্ৰাসবাদী আক্ৰমণ বৃদ্ধি পাব। এখন শক্তিশালী দেশে জৈৱিক অস্ত্ৰ পৰীক্ষাও কৰিব পাৰে।
২০২৪ চনৰ বাবে বাবা ভাংগাই ভাল ইংগিতো দিছিল। এলঝেইমাৰ আৰু কেন্সাৰ আদি দুৰাৰোগ্য ৰোগৰ চিকিৎসা এই বছৰত আৱিষ্কাৰ হ’ব পাৰে বুলি উল্লেখ কৰিছিল বাবা ভাংগাই।
