বিতৰ্ক সৃষ্টি কৰি ৰাজনৈতিক মুনাফা লোৱাটো বৰ্তমান ৰাজনীতিকসকলৰ অন্যতম লক্ষ্য হৈ পৰিছে। ইয়াৰ বাবে কোনে কিমান অধিক বিতৰ্কমূলক মন্তব্যৰে পানী ঘোলা কৰিব পাৰে তাৰেই যেন প্ৰতিযোগিতা চলে।
এআইইউডিএফৰ সভাপতি তথা সাংসদ বদৰুদ্দিন আজমলে হিন্দুসকলৰ বিবাহৰ বয়স সম্পৰ্কে দিয়া তেওঁৰ মন্তব্যই তীব্ৰ বিতৰ্কৰ সৃষ্টি কৰিছে। তেওঁৰ মতে হিন্দুসকলে মুছলমান ছোৱালীৰ বিবাহৰ সূত্ৰ অনুসৰণ কৰিব পাৰে। মুছলমান ছোৱালীবোৰ ১৮ ৰ পৰা ২০ বছৰ বয়সৰ ভিতৰত বিবাহপাশত আৱদ্ধ হয়।
লগতে পঢ়ক: FIFA World Cup 2022: বিশ্বকাপ ফুটবলত বৃহৎ অঘটন! ব্ৰাজিলক পৰাস্ত কৰি ইতিহাস গঢ়িলে কেমেৰুনে
দৰাচলতে মৌলানা বদৰুদ্দিন আজমলে কি কৈছিল? তেওঁৰ মতে মুছলমান ল’ৰাবোৰে ২০-২২ বছৰ বয়সত বিবাহ পাশত আৱদ্ধ হয়। মুছলমান ছোৱালীবোৰে ১৮ বছৰ বয়সত বিবাহ পাশত আৱদ্ধ হয়। ইয়াৰ আইনী স্বীকৃতি আছে।
আনহাতে, হিন্দুসকলে বিবাহৰ আগতে এক, দুই বা তিনিগৰাকী অবৈধ পত্নী ৰাখে। তেওঁলোকে সন্তান জন্ম নিদিয়ে, তেওঁলোকে কেৱল স্ফুৰ্তি কৰে আৰু টকা উপাৰ্জন কৰে।
তদুপৰি, তেওঁ কয় যে হিন্দুসকলৰ জনসংখ্যা মুছলমানসকলৰ দৰে বৃদ্ধি নহয়। তেওঁলোকে ৪০ বছৰ বয়সৰ পিছত বিবাহ পাশত আৱদ্ধ হয়। মাক দেউতাকৰ হেঁচাত এইটো কৰে। তেনে ক্ষেত্ৰত ৪০ বছৰৰ পিছত সন্তান জন্ম হ’ব বুলি কোনে কিদৰে আশা কৰিব পাৰে? যদি আপুনি উৰ্বৰ ভূমিত বীজ ৰোপণ কৰে তেতিয়াহে ভাল ফচল পাব। তেতিয়া বিকাশ ভাল হ’ব।
লগতে পঢ়ক: FIFA World Cup 2022: বিশ্বকাপ ফুটবলত এছিয়াৰ জয়জয়কাৰ! পৰ্তুগালক পৰাস্ত কৰি নকআউটত দক্ষিণ কোৰিয়া
সাংসদজনে কয় যে হিন্দুসকলে মুছলমানসকলৰ সূত্ৰ অনুসৰণ কৰা উচিত। তেওঁলোকৰ পুত্ৰসকলে ২০-২২ বছৰ বয়সত বিবাহ পাশত আৱদ্ধ হ’ব লাগিব। ছোৱালীবোৰে ১৮-২০ বছৰ বয়সত বিয়া হ’ব লাগিব। তেতিয়া দেখিব কিমানটা সন্তান জন্ম হয়…।
ইপিনে, শ্ৰদ্ধা ৱাকাৰৰ হত্যা সন্দৰ্ভত অসমৰ মুখ্যমন্ত্ৰীয়ে কোৱা লাভ জিহাদৰ প্ৰ সংগত সাংসদ বদৰুদ্দিন আজমলে কয়, “মুখ্যমন্ত্ৰী আমাৰ ৰাজ্যৰ সৰ্বোচ্চ নেতা। কোনে তেওঁক বাধা দিব! আপোনালোকেও লাভ জিহাদ কৰি আমাৰ চাৰি-পাঁচটা মুছলমান ছোৱালী লৈ যাওক। আপোনালোকক আদৰিছোঁ। আমি যুঁজ নকৰো।
ৰাজ্যৰ বিৰোধী পক্ষৰ ধাৰণা যে এয়া বদৰুদ্দিন আজমলৰ এক পৰিকল্পিত মন্তব্য। গুজৰাটৰ নিৰ্বাচন চলি থকাৰ সময়তে আৰু অসম-মেঘালয় সীমান্তৰ সন্দৰ্ভত চলি থকা বিতৰ্ক আনফালে ঢাল খুৱাবলৈ তেওঁ এনে উচটনিমূলক মন্তব্য কৰিছে।
লগতে পঢ়ক: মানুহৰ মগজুত চিপ লগাই অন্ধত্ব আৰু পক্ষাঘাত নিৰাময়! আশ্চৰ্যজনক দাবী এলন মাস্কৰ
অসমৰ মুখ্যমন্ত্ৰী হিমন্ত বিশ্ব শৰ্মাৰ সৈতে তেওঁৰ ভিতৰুৱা ভাল সম্পৰ্ক থকাৰ কথা দীৰ্ঘদিন ধৰি চৰ্চা হৈ আহিছে। বিভিন্ন সময়ত দুয়োগৰাকীয়ে একে সময়তে বিতৰ্কিত মন্তব্য প্ৰদান কৰি দৰাচলতে জন সাধাৰণৰ মূল সমস্যাসমূহ তল পেলাবলৈ চেষ্টা কৰাৰো অভিযোগ আছে।