বাংলাদেশত পুনৰ বৃদ্ধি পাইছে সংখ্যালঘুৰ ওপৰত আক্ৰমণৰ ঘটনা। বাংলাদেশত হিন্দু সকলে সৰস্বতী পূজা অনুষ্ঠিত কৰাক লৈ পুনৰ আক্ৰমণ চলাইছে মৌলবাদীয়ে।
সোমবাৰে বাংলাদেশৰ ফৰিডপুৰত সৰস্বতী পূজাৰ এটা মণ্ডপত দুষ্কৃতিকাৰীয়ে সৰস্বতীৰ প্ৰতিমা ভাঙি লণ্ডভণ্ড কৰি থৈ যায়।
জানিব পৰা মতে, এই ঘটনাত জড়িত থকাৰ অভিযোগত ইতিমধ্যে এজন লোকক আটক কৰিছে বাংলাদেশী আৰক্ষীয়ে।
ঘটনাটোৰ পিছতে আৰক্ষীৰ দল মন্দিৰটোত উপস্থিত হৈ চিচিটিভিৰ ফুটেজৰ ওপৰত ভিত্তি কৰি এজন সন্দেহযুক্ত যুৱকক আটক কৰে।
আাৰক্ষীয়ে জনোৱা মতে, গ্ৰেপ্তাৰ হোৱা ব্যক্তিজনে পূৰ্বেও মন্দিৰত আক্ৰমণ কৰাৰ ঘটনাত জড়িত আছিল।
