বাংলাদেশে সোমবাৰে ৰোহিংগিয়া শৰণাৰ্থীৰ দ্বিতীয়টো দল ভাচান চৰলৈ পাঠিয়াই। বাংলাদেশ চৰকাৰৰ এই সিদ্ধান্তক পশ্চিমীয়া বেচৰকাৰী সংস্থা আৰু ৰাষ্ট্ৰসংঘই সমালোচনা কৰে।
ম্যানমাৰৰ পৰা বাংলাদেশলৈ অহা ১৬০০-ত কৈ অধিক ৰোহিংগিয়া শৰণাৰ্থী বাংলাদেশ চৰকাৰে ভাচান চৰলৈ পঠিওৱাৰ সিদ্ধান্ত গ্ৰহণ কৰে।
বাংলাদেশৰ বৈদেশিক মন্ত্ৰী এ কে আব্দুল মমিনে মাত্ৰ ১০০০ ৰোহিংগিয়া শৰণাৰ্থীক সুন্দৰ ভাচান চৰলৈ পঠিওৱা হৈছে বুলি লগতে কয়।
বাংলাদেশৰ কক্স বজাৰত থকা ৰোহিংগিয়া শৰণাৰ্থী শিৱিৰৰ পৰা বাছেৰে ৰোহিংগিয়া সকলক চিত্তাগং বন্দৰ হৈ ভাচান চৰলৈ লৈ যোৱা হয়।
‘‘স্বেচ্চাই ৰোহিংগিয়া শৰণাৰ্থী সকলে ভাচান চৰলৈ যোৱাৰ সিদ্ধান্ত লৈছে কাৰণ তেওঁলোকে পূৰ্বে ভাচান চৰলৈ যোৱা লোক সকলৰ পৰা সেই অঞ্চলটো সুন্দৰ এক অঞ্চল বুলি শুনিছে,’’ আব্দুল মমিনে সংবাদ মাধ্যমৰ আগত কয়।
আনহাতে, বাংলাদেশৰ বৈদেশিক মন্ত্ৰী গৰাকীয়ে ভাচান চৰক বৰ্তমান ৰোহিংগিয়া সকলে বসবাস কৰি থকা অঞ্চলতকৈ ১০০ গুণ অধিক সুন্দৰ ঠাই হিচাপেও অভিহিত কৰে।
