বিশ্ব বেংকে কৈছে যে বাংলাদেশ আৰু নেপালে ভাৰততকৈ দ্ৰুত গতিৰে বিকাশ লাভ কৰিব বুলি অনুমান কৰা হৈছে আৰু এই বিত্তীয় বৰ্ষত দক্ষিণ এছিয়াৰ সামগ্ৰিক বিকাশ মন্থৰ হ’ব।
গোলকীয় বিকাশ হাৰো নিম্নমুখী প্ৰৱণতাৰ সাক্ষী হ’ব।
ই লগতে কৈছে যে পাকিস্তানৰ বিকাশৰ হাৰ অধিক অৱনতি ঘটি এই বিত্তীয় বৰ্ষত কেৱল ২.৪ শতাংশ হ’ব।
“মুদ্ৰা নীতি কঠোৰ হ’ব, আৰু পৰিকল্পিত ফিস্কেল কনছলিদে’চনে ঘৰুৱা চাহিদা চেপি ৰাখিব,” বিশ্ব বেংকে কয়।
বিশ্ব বেংকে আৰু কৈছে যে ভাৰতৰ বিকাশৰ হাৰ এই বিত্তীয় বৰ্ষত ৬.০লৈ নমাৰ অনুমান কৰা হৈছে আৰু তাৰ পিছত ই ক্ৰমাগতভাৱে ২০২১ চনত ৬.৯ আৰু ২০২২ চনত ৭.২ শতাংশ হ’বগৈ বুলি আশা কৰা হৈছে।
“২০১৯ চনত বাংলাদেশৰ প্ৰকৃত জিদিপি ৮.১ শতাংশ হ’ব বুলি অনুমান কৰা হৈছে, যিটো ২০১৮ চনত আছিল ৭.৯ শতাংশ,” বিশ্ব বেংকে কয়।
বাংলাদেশৰ বিকাশ হাৰ, অনুমানমতে, ২০২০ চনত ৭.২ আৰু ’২১ত ৭.৩ শতাংশ হ’বগৈ, প্ৰতিবেদনটোত প্ৰকাশ।
বিশ্ব বেংকৰ দক্ষিণ এছিয়া অঞ্চলৰ মুখ্য অৰ্থনীতিবিদ হেন্স টিমাৰৰ মতে, এমেৰিকা আৰু চীনৰ মাজত চলিত বাণিজ্যিক চেপা উত্তেজনাৰ ফলত বাংলাদেশৰ কাপোৰ উদ্যোগ বৃহৎভাৱে লাভান্বিত হৈছে।
টিমাৰৰ মতে, বাংলাদেশে বাংলাদেশে সমগ্ৰ অঞ্চলটোৰ ভিতৰত, বিশেষকৈ ভাৰত, শ্ৰী লংকা আৰু পাকিস্তানতকৈ ভাল ফল দেখুৱাই আছে।
টিমাৰৰ মতে, নেপালেও বৰ্ধিত পৰ্য্যটকৰ ফলত সৃষ্ট শক্তিশালী সেৱা খণ্ড আৰু নিৰ্মাণমূলক কাম-কাজৰ জৰিয়তে আৰ্থিক বিকাশ কৰিছে।
চলিত আৰু পৰৱৰ্তী বিত্তীয় বৰ্ষত নেপালৰ জিদিপি বৃদ্ধিৰ হাৰ বিশ্ব বেংকে ৬.৫ শতাংশ হ’ব বুলি অনুমান কৰিছে।
