১ হাজাৰ টকা বিনিয়োগ কৰিলে দৈনিক ১ৰ পৰা ৫ হাজাৰ টকাৰ ৰিটাৰ্ণ পাব। বহুতে এসপ্তাহতে লাখপতি হোৱাৰ সপোন দেখিছিল। বিশ্বাস কৰি টকা বিনিয়োগ কৰিবলৈও আৰম্ভ কৰিছিল। সুত, ৰিটাৰ্ণটো দূৰজ কথা, ৰাতিটোৰ ভিতৰতে হেৰুৱালে লাখ লাখ টকা। এইবাৰ আৰক্ষীয়ে ৮৫৪ কোটি টকাৰ চাইবাৰ জালিয়াতি চক্ৰটোৰ সন্ধান পালে।
শনিবাৰে আৰক্ষীয়ে গ্ৰেপ্তাৰ কৰে প্ৰৱঞ্চনা চক্ৰটোৰ সৈতে জড়িত ৬জন মূল অভিযুক্তক। জেৰাত জানিব পৰা মতে বিনিয়োগ আঁচনিৰ নামত দেশজুৰি চলাইছিল এই জালিয়াতি চক্ৰ। হাজাৰ হাজাৰ লোকক এনেদৰে প্ৰতাৰণা কৰা হৈছিল। আৰক্ষীয়ে জনোৱা মতে, মুঠ ৮৫৪ কোটি টকাৰ জালিয়াতি সংঘটিত হৈছে।
গোপন সূত্ৰৰ পৰা তথ্য লাভ কৰি শনিবাৰে বেংগালুৰু আৰক্ষীয়ে অভিযান চলায়। জালিয়াতি চক্ৰটোৰ ৬ জন “মূল কিং পিনক” গ্ৰেপ্তাৰ কৰা হয়। ৮৫৪ কোটি টকাৰ ভিতৰত মাত্ৰ ৫ কোটি টকা নগদ ধনহে জব্দ হৈছে। বাকী টকাৰ সন্ধান চলাই থকা হৈছে।
লগতে পঢ়কঃ ১ অক্টোবৰৰ পৰাই কাৰ্যকৰী; অধিক বিদ্যুতৰ বিল পৰিশোধ কৰিব লাগিব অসমৰ গ্ৰাহকে
জানিব পৰা মতে, প্ৰৱঞ্চকসকলে হোৱাটছএপ আৰু টেলিগ্ৰামৰ জৰিয়তে সাধাৰণ মানুহৰ লগত যোগাযোগ কৰে। প্ৰথম অৱস্থাত তেওঁলোকে কৈছিল যে অতি কম পৰিমাণৰ ধন বিনিয়োগ কৰক। এবাৰ ১ৰ পৰা ১০ হাজাৰ টকা বিনিয়োগ কৰিলে দৈনিক ১ৰ পৰা ৫ হাজাৰ টকাৰ ৰিটাৰ্ণ পাব।
বহুতেই এই লোভনীয় টোপ গিলি টকা বিনিয়োগ কৰিবলৈ আৰম্ভ কৰে। আৰম্ভণিতে সঁচাকৈয়ে ভাল ৰিটাৰ্ণ পাইছিল। অনলাইন পেমেণ্টৰ জৰিয়তে পোনপটীয়াকৈ বেংক একাউণ্টত জমা হৈছিল এই ধন।
কিন্তু লাহে লাহে ওলাল গোমৰ ফাঁক। ঠিক এনেকৈয়ে যেতিয়া সাধাৰণ মানুহে লাখ লাখ টকা বিনিয়োগ কৰে তেতিয়াই প্ৰকৃত জালিয়াতি ঘটে। আৰক্ষীৰ মতে, যি মুহূৰ্তত কোনোবাই ১ৰ পৰা ১০ লাখ টকা বা তাতকৈ অধিক বিনিয়োগ কৰিলে, সেই মুহূৰ্তত প্ৰৱঞ্চকসকলে সকলো যোগাযোগ বন্ধ কৰি দিয়ে। প্ৰৱঞ্চকসকলে বেংক একাউণ্টলৈ পঠোৱা ধন উলিয়াবলৈ গ’লে লগে লগে গোটেই একাউণ্টটো খালী হৈ পৰে। সমগ্ৰ দেশৰ হাজাৰ হাজাৰ লোকক এনেদৰে প্ৰতাৰণা কৰা হৈছে।
লগতে পঢ়কঃচৰকাৰী ঘোষণাঃ গান্ধী জয়ন্তীৰ দিনা খোলা থাকিব ৰাজ্যৰ বিদ্যালয়সমূহ
প্ৰৱঞ্চকসকলে সকলোৰে পৰা সংগ্ৰহ কৰা লাখ লাখ টকা এটা মূল একাউণ্টত জমা হয়। তাৰপিছত হাৱালাৰ জৰিয়তে সেই টকা অন্তৰ্ধান হৈ যায়। আৰক্ষীৰ তথ্য অনুসৰি বিটকইন, অনলাইন গেটৱে, বিভিন্ন গেমিং এপৰ জৰিয়তে মুঠ ৮৫৪ কোটি টকা প্ৰতাৰণা কৰা হৈছে।
