এ পি এছ বিষয়া বীৰ বিক্ৰম গগৈক ডিমা হাচাও জিলাৰ নতুন আৰক্ষী অধীক্ষক হিচাপে নিযুক্ত কৰা হৈছে। অধীক্ষক গৰাকীয়ে আজি বিদায়ী আৰক্ষী অধীক্ষক গৌৰব দিলীপ অভিজিতৰ পৰা দায়িত্ব চমজি লয়।
ইয়াৰ আগতে তেওঁ ২৩ আই আৰ বেটেলিয়ানৰ কমাণ্ডেন্ট হিচাপে কাৰ্বি আংলং জিলাত কৰ্তব্যৰত আছিল।
আই পি এছ বিষয়া গৌৰব দিলীপক নগাঁও জিলাৰ আৰক্ষী অধীক্ষক হিচাপে বদলি কৰাৰ পাছত এ পি এছ গগৈক ডিমা হাচাও জিলাৰ আৰক্ষী অধীক্ষক হিচাপে নিযুক্ত কৰিছিল ৰাজ্যিক গৃহ বিভাগে।
আজি হাফলঙত নিজ কাৰ্যালয়ত সংবাদ মাধ্যমৰ সৈতে হোৱা বাৰ্তালাপত নবনিযুক্ত আৰক্ষী অধীক্ষক গগৈয়ে ডিমা হাচাও জিলাৰ সৰ্বস্তৰৰ ৰাইজৰ সহযোগিতা কামনা কৰি কয় যে মোক ৰাইজৰ সেৱাৰ কাৰণে ইয়াত নিযুক্ত দিয়া হৈছে।
সেই কাৰণে পাৰ্বত্য জিলাৰ সামিগ্ৰক আইন শৃংখলা ব্যৱস্থা সুকলমে নিয়ন্ত্ৰণ কৰাই হ’ব আমাৰ প্ৰথম আৰু একমাত্ৰ দায়িত্ব।
উল্লেখনীয় যে আই পি এছ বিষয়া গৌৰব দিলীপক দায়িত্ব গ্ৰহণৰ এমাহৰ পিছতেই অন্য এখন জিলালৈ বদলি কৰা প্ৰসংগত সন্তষ্ট নহয় দল-সংগঠন।
