বিশ্বনাথ চাৰিআলি অতিৰিক্ত জিলা আৰু সত্ৰ ন্যায়াধীশ আদালতে আজি ২০১৮ চনত সংঘটিত হোৱা শিশু ধৰ্ষণৰ গোচৰৰ ৰায়দান প্ৰদান কৰি মংগল পাইক নামৰ এজন লোকক ফাঁচীৰ নিৰ্দেশ দিয়ে।
২০১৮ চনত মংগল পাইক নামৰ লোকজনে বিশ্বনাথৰ দিকৰাই চাহ বাগিছালৈ আহলী খাব আহি এগৰাকী পাঁচ বছৰীয়া শিশুক ধৰ্ষণ কৰি হত্যা কৰিছিল।
উক্ত ধৰ্ষণ কাণ্ডত জড়িত থকা মংগল পাইক নামৰ লোকজনৰ বিৰুদ্ধে বিশ্বনাথ জিলাৰ চতিয়া আৰক্ষী চকীত এটা গোচৰ ৰুজু কৰি তদন্ত আৰম্ভ কৰা হৈছিল।
পৰৱৰ্তী সময়ত ন্যায়ালয়ত মংগল পাইক নামৰ শিশু ধৰ্ষণকাৰী জনৰ বিৰুদ্ধে বিচাৰ চলে আৰু আজি বিচাৰৰ অন্তিম শুনানিত ন্যায়ালয়ে আদালতে পকচ’ আইনৰ অধীনত ১/২০১৯ গোচৰত ৩৬৪/ ৩৭৬,(এ) আৰু ৩০২/২০১ ধাৰাৰ অধীনত ফাঁচীৰ ৰায়দান দিয়ে ।
বিশ্বনাথ চাৰিআলি অতিৰিক্ত জিলা আৰু সত্ৰ ন্যায়াধীশ আদালতৰ ৰায়দানৰ পাছতে ভূক্তভোগী পৰিয়ালটোৱে ন্যায় প্ৰদান কৰাৰ বাবে ন্যায় ব্যৱস্থাক ধন্যবাদ জ্ঞাপন কৰে।