বড়োলেণ্ডত নতুনকৈ গঠন হোৱা ইউনাইটেড লিবাৰেশ্যন ফৰ বড়োলেণ্ড (ইউ এল বি) নামৰ নতুন উগ্ৰপন্থী সংগঠনৰ জন্ম হোৱাক লৈ প্ৰতিক্ৰিয়া প্ৰকাশ কৰিছে চতিয়াৰ বিজেপি বিধায়ক পদ্ম হাজৰিকাই।
তেওঁ এনেকৈ সংগঠনবোৰ জন্ম হৈ থাকিলে চৰকাৰে চিন্তা নকৰে বুলি উল্লেখ কৰি তেওঁলোকক আলোচনাৰ মাধ্যমৰে সমস্যা সমাধান কৰা আহ্বান জনায়। হাতত অস্ত্ৰ লৈ কেতিয়াও সমস্যাৰ সমাধান নহয় বুলি কয় হাজৰিকাই।
বিধায়কগৰাকীয়ে কয়, ‘’চৰকাৰী যন্ত্ৰৰ ওচৰত কোনো উগ্ৰপন্থী সংগঠনে এনে ধৰণৰ চেলেঞ্জ কৰাটো উচিত নহয়। তেওঁলোকে কি কাৰণে এনে ধৰণৰ চেলেঞ্জ কাম কৰিব লৈছে নাজানো।কাৰণ আমাৰ চৰকাৰে তেওঁলোকৰ সমস্যা সমূহ গুৰুত্বসহকাৰে লৈ আলোচনাৰ মাজেৰে সকলো সমস্যাৰ সনমাধান কৰাৰ ক্ষেত্ৰত গুৰুত্ব প্ৰদান কৰিছে।‘’
হাজৰিকাই লগতে কয়, ‘’কেন্দ্ৰীয় চৰকাৰেও ৰাজ্য চৰকাৰৰ আহ্বানৰ প্ৰতি সঁহাৰি জনাই এটা সুন্দৰ শান্তিৰ পৰিবেশ এইখন অসমত হৈছে। এখন দেশৰ শাসন যন্ত্ৰ আমাৰ সামৰিক বাহিনী, অৰ্ধ সামৰিক বাহিনী আৰু আৰক্ষী বাহিনীক চেলেঞ্জ কৰাটো কেতিয়াও উচিত নহয়।‘’
Latest News:মোদীৰ উপহাৰৰ ই-নিলামত নীৰজৰ জেভলিনক অতিক্রমি লাভলিনাৰ গ্ল’ভছৰ দাম উঠিল ১.৯কোটি
সেয়েহে, বিধায়ক পদ্ম হাজৰিকাই আহ্বান জনাই কয় যে তেওঁলোকে এই চিন্তাৰ পৰা আঁতৰি আহি চৰকাৰৰ লগত আলোচনাৰ মাধ্যমৰে তেওঁলোকৰ সমস্যাসমূহ অৱগত কৰক আৰু তেওঁলোকৰ সমস্যাসমূহ নিশ্চিতভাবে আন্তৰিকতাৰে সমাধান কৰাৰ ক্ষেত্ৰত ব্যবস্থা গ্ৰহণ কৰিব।
ইয়াৰ লগতে বিধায়কগৰাকীয়ে কয়, ‘’সংগঠনৰ জন্ম হৈয়ে থাকিব কিন্তু চাব লাগিব তেওঁলোকৰ গণভিত্তি কিমান, জনসাধাৰণৰ সমৰ্থন আছেনে নে নাই সেইটোহে আচল কথা। এনে সংগঠন কিছুমানৰ জন্ম হৈ থাকিলে আমিও বৰ চিন্তা কৰি নাথাকো।‘’
বিশ্বনাথ জিলাৰ ক্ষুদ্ৰ চাহ খেতিয়কসকলৰ সাৰক লৈ যি এক দীৰ্ঘদিনীয়া সমস্যা হৈছিল সেই সমস্যা সমাধান কৰাৰ ক্ষেত্ৰত আজি বিশ্বনাথ নগৰত এক সুলভ মূল্যৰ ৰাসায়নিক সাৰ বিতৰণ কাৰ্যসূচী শুভাৰম্ভ কৰা অনুষ্ঠানত উপস্থিত হৈ এই দৰে মন্তব্য কৰে বিধায়ক গৰাকীয়ে।