ৰজোনিবৃত্তি হৈছে মহিলাসকলৰ এক স্বাভাৱিক প্ৰক্ৰিয়া। মাহেকীয়া আৰম্ভ হোৱাৰ বয়স যেনেকৈ ১২, ১৩ বা ১৪ বছৰ, ঠিক তেনেকৈ ৰজোনিবৃত্তিৰ বয়স ৪০ৰ পৰা ৪৫ বা ৫০ বছৰ হ’ব পাৰে। এই বয়সৰ পিছত মহিলাৰ প্ৰজনন হৰম’নৰ নিঃসৰণ কমিবলৈ ধৰে আৰু ফলত ক্ৰমান্বয়ে মাহেকীয়া চক্ৰ বন্ধ হৈ যায়। কিন্তু কেতিয়াবা মহিলাৰ ক্ষেত্ৰত এনেকুৱা হয় যে ঋতুস্ৰাৱ বন্ধ হোৱাৰ পিছত হঠাতে ৰক্তক্ষৰণ আৰম্ভ হয়।
সাধাৰণতে মহিলাসকলে প্ৰায়ে ৰজোনিবৃত্তিৰ পিছত ৰক্তক্ষৰণৰ সমস্যাৰ বিষয়ে কাকো নকয় আৰু লুকুৱাই ৰাখে। কিন্তু এনে কৰা একেবাৰে উচিত নহয়। কাৰণ ই গুৰুতৰ সমস্যাৰ সৃষ্টি কৰিব পাৰে আৰু ডাঙৰ বেমাৰৰ সৃষ্টি কৰিব পাৰে। এই সমস্যাত সময়মতে চিকিৎসা কৰাটো অতি প্ৰয়োজনীয়। এই অস্বাভাৱিক সমস্যাই কি বিপদৰ সৃষ্টি কৰিব পাৰে জানো আহক।
বিশেষজ্ঞসকলৰ মতে ৰজোনিবৃত্তিৰ পিছৰ মহিলাৰ পুনৰাবৃত্তিমূলক ঋতুস্ৰাৱ (ৰক্তক্ষৰণ) ৰ ফলত ছাৰ্ভাইকেল কেন্সাৰ হ’ব পাৰে।
ছাৰ্ভাইকেল কেন্সাৰ কি?
ছাৰ্ভাইকেল কেন্সাৰ হৈছে জৰায়ুৰ মুখৰ কৰ্কট ৰোগ। ই মহিলাৰ ক্ষেত্ৰত হোৱা অন্যতম জটিল কৰ্কট ৰোগ। ছাৰ্ভাইকেল কেন্সাৰত জৰায়ুৰ তলৰ অংশত থকা কোষবোৰ অস্বাভাৱিকভাৱে বৃদ্ধি পায়। এই কেন্সাৰৰ প্ৰাৰম্ভিক লক্ষণসমূহ প্ৰায়ে দেখা নাযায়।
ছাৰ্ভাইকেল কেন্সাৰৰ চিকিৎসা-
ছাৰ্ভাইকেল কেন্সাৰৰ চিকিৎসা সম্ভৱ যদিও ইয়াৰ বিষয়ে সজাগতাৰ অভাৱ। ইয়াৰ বাবেই কেতিয়াবা পৰিস্থিতি ভয়াৱহ হৈ পৰে। অস্বাভাৱিক ৰক্তক্ষৰণ, ঈষ্টৰ সংক্ৰমণ, কোনো কাৰণ নোহোৱাকৈ ওজন কমি যোৱা আদি কোনো লক্ষণ দেখা দিলে তৎক্ষণাত চিকিৎসকৰ লগত যোগাযোগ কৰাটো জৰুৰী। যেতিয়া এই কেন্সাৰ শৰীৰত থিতাপি লয় তেতিয়া কঁকালৰ তলৰ অংশতো তীব্ৰ বিষ অনুভৱ হয়।
ইয়াৰ প্ৰতিকাৰ কি?
যদি আপুনি ছাৰ্ভাইকেল কেন্সাৰৰ পৰা নিজকে ৰক্ষা কৰিব খুজিছে তেন্তে অস্বাভাৱিক ৰক্তক্ষৰণ বা আন অস্বাভাৱিক লক্ষণ দেখা দিলে তৎক্ষণাত চিকিৎসকৰ সৈতে যোগাযোগ কৰিব লাগে।
বিতং তথ্যৰ বাবে চিকিৎসকৰ পৰামৰ্শ লওক।
