ৰণবীৰৰ সৈতে বিবাহপাশত আবদ্ধ হ’ল আলিয়া ভাট! ফটো ভাইৰেল
বলিউদৰ মোহময়ী অভিনেত্ৰী আলিয়া ভাট আৰু ষ্টাৰ অভিনেতা ৰণবীৰ কাপুৰৰ মাজত থকা প্ৰেমৰ নিবীড় সম্পৰ্কক লৈ সময়ে সময়ে চলি আহিছে চৰ্চা।
ইতিমধ্যে দুয়োজনৰ মাজত যে প্ৰেমৰ সম্পৰ্ক আছে সেই কথা তাৰকা দুগৰাকীয়ে নিজে স্বীকাৰ কৰিছে জনপ্ৰিয় টেলিভিশ্যন শ্ব’ কফি উইদ কৰণত।
ইয়াৰ উপৰি বিভিন্ন সময়ত দুয়োজনকে বিভিন্ন অনুষ্ঠানত একেলগে অংশ লোৱাও দেখা যায়। আলিয়া আৰু ৰণবীৰৰ পৰিয়ালৰ মাজতো আছে এক সু সম্পৰ্ক।
এই সকলোবোৰ কথা অনুৰাগীৰ জ্ঞাত।
কিন্তু শেহতীয়াভাৱে ছ’চিয়েল মিডিয়াত ভাইৰেল হৈ পৰিছে ৰণবীৰ আৰু আলিয়াৰ বিয়াৰ কিছু ফটো। ফটোবোৰ দেখাৰ লগে লগে অনুৰাগীৰ মাজত বৃদ্ধি পাইছে যথেষ্ট উদ্বিগ্নতা। জানিব বিচাৰিছে ফটো সমূহৰ আচল ৰহস্য।
কিয়নো ভাইৰেল হোৱা ফটো সমূহত আলিয়াক সম্পূৰ্ণৰূপে নকইনাৰ সাজত দেখা গৈছে। আনহাতে ৰণবীৰকো দেখা গৈছে দৰাৰ সাজত।
বিয়াৰ সাজত থকা এই ফটো সমূহ এটা ফেনপেজে নিজৰ ইনষ্টাগ্ৰাম একাউণ্টত শ্বেয়াৰ কৰিছে। শ্বেয়াৰৰ লগে লগে বহু অনুৰাগীয়ে দুয়োৰে বিয়া হৈ গ’ল নেকি বুলি প্ৰশ্ন উত্থাপন কৰে।
আচলতে ভাইৰেল হোৱা ফটোসমূহৰ আচল ৰহস্য বেলেগ। কইনাৰ সাজত দেখা আলিয়াৰ ফটো সমূহ সঁচা। কিন্তু ৰণবীৰ কাপুৰৰ ফটো এডিট কৰিহে দৰাৰ ৰূপত উপস্থাপন কৰিছে।
উল্লেখ্য যে অলপতে এটা বিজ্ঞাপনৰ শ্বুটিঙত কইনাৰ সাজ পৰিধান কৰিছিল আলিয়া ভাটে। শ্বুটিঙত আলিয়াৰ সৈতে ৰণবীৰ নহয় দৰাৰ সাজত অন্য মডেলহে আছিল। কিন্তু একাংশই এই ফটোসমূহ এডিট কৰি ছ’চিয়েল মিডিয়াত এৰি দিছিল।
মন কৰিবলগীয়া যে অতি শীঘ্ৰে ৰণবীৰ আৰু আলিয়াই বিবাহপাশত আবদ্ধ হ’ব বুলি বিভিন্ন মাধ্যমত প্ৰচাৰ চলি আছে। কিন্তু এই পৰ্যন্ত দুয়োজন তাৰকাই বিয়া সন্দৰ্ভত মন্তব্য কৰাৰ পৰা বিৰত আছে।