বিশ্বৰ বহুল চৰ্চিত জেমছ ব’ণ্ড চিৰিজৰ শেহতীয়া ছবিখনৰ মুখ্য চৰিত্ৰত অভিনয় কৰা হিলউডৰ প্ৰখ্যাত অভিনেতা ডেনিয়েল ক্ৰেইগে বেইজিং ভ্ৰমণ পিছুৱাই দিছে।
উল্লেখ্য যে অভিনেতা ক্ৰেইগে ক’ৰ’না ভাইৰাছে মহামাৰী ৰূপ ধাৰণ কৰা দেশখনত নিজৰ শেহতীয়া ছবিখনৰ প্ৰচাৰ অভিযানত অংশগ্ৰহণ কৰাৰ কথা আছিল।
চীনত ক’ৰ’না ভাইৰাছে মৰাত্মক ৰূপ ধাৰণ কৰাৰ বাবেই হলিউডৰ প্ৰখ্যাত অভিনেতাগৰাকীয়ে বেইজিং ভ্ৰমণ পিছুৱাইছে বুলি জানিব পৰা গৈছে।
ক্ৰেইগ অভিনীত জেমছ ব’ণ্ড ছিৰিজৰ শেহতীয়া ‘ন’ টাইম টু দাই’ শীৰ্ষক হলিউডৰ ছবিখন অহা ৩ এপ্ৰিলত বৃটেইনত মুক্তি দিয়াৰ কথা। এই ছবিখনৰ প্ৰচাৰ বাবে ক্ৰেইগ চীনলৈ যোৱাৰ কথা আছিল।
কেৰী জুজি ফুকুনাগাই পৰিচালনা কৰা ২৫০ এউ এছ বিলিয়ন ডলাৰৰ ব্যয়েৰে নিৰ্মিত ‘ন’ টাইম টু দাই’ ছবিখন ছাংঘাইৰ পৰা লণ্ডনলৈ প্ৰচাৰ অভিযান চলোৱাৰ বাবে সূচী প্ৰস্তুত কৰা হৈছিল যদিও চীনত ক’ৰ’না ভাইৰাছে সংহাৰীৰূপ লোৱাত এই সূচীত সলনি কৰিবলৈ বাধ্য হৈছে ছবিখনৰ প্ৰডাকচন হাউছে।
উল্লেখ্য যে চীন হৈছে ব’ক্স অফিচ থকা বিশ্বৰ দ্বিতীয় বৃহতম দেশ। য’ত যোৱা বৰ্ষত ক্ৰেইগৰ ‘এভেঞ্চাৰছঃ এণ্ডগেম’ নামৰ ছবিখেন বিপুল পৰিমাণৰ ব্যবসায় কৰিছিল।
যোৱা ৪ ডিচেম্বৰত ছবিখনৰ ট্ৰিজাৰ মুকলি কৰা হৈছিল আৰু প্ৰায় ১৪ মিলিয়ন লোকে ইউ টিউবত প্ৰত্যক্ষ কৰিছে এই ট্ৰিজাৰ।
