মদ খাই অশান্তি কৰাৰ বাবে পুতেকে বাপেকক ঘপিয়াই হত্যা কৰি পুতি থ’লে শৌচালয়ত

সোণাৰিত পুতেকে বাপেকক হত্যা কৰি শৌচালয়ত পুতি থোৱাৰ ঘটনা আজি পোৰহলৈ অহাত অঞ্চলটোত চাঞ্চল্যৰ সৃষ্টি হৈছে।

ঘটনাৰ বিৱৰণি মতে সোণাৰিৰ আইদেউ কাঠনি গাঁৱৰ দিগন্ত তেলীয়ে (১৮) য়ে যোৱা ২১ মে’ত বাপেক বাৰাদু তেলীক দাৰে ঘপিয়াই হত্যা কৰে। আৰি পিছত ঘৰৰ শৌচালয়ত পুতি থয়।

আনহাতে কালি অৰ্থাৎ ২৬ মে’ৰ নিশা স্থানীয় ৰাইজে দুৰ্গন্ধ পাই আৰক্ষীক খবৰ দিয়ে। ফলত নিশাই সোণাৰি আৰক্ষী ঘটনাস্থলীত উপস্থিত হৈ শৌচালয়ৰ পৰা মৃতদেহ উদ্ধাৰ কৰে। লগতে হত্যাকাৰী তথা পুতেক দিগন্তক আটক কৰে।

দেউতাকে সদায় মদ খাই অশান্তি কৰি থকাৰ বাবেই পুতেকে দাৰে ঘপিয়াই হত্যা কৰে।

‘দেউতাই মদ খাই সদায় অশান্তি কৰি থাকে। কাম কৰিলে পইচা-পাতি লৈ থৈ দিয়ে। গধুলি ভাতো ভালকৈ খাবলৈ নিদিয়ে। ভণ্টি, ভাইতিৰ স্কুলৰ বহী-কিতাপ, কলমো আনি নিদিয়ে। অকল মদেই খাই থাকে। ঘৰৰ ৭ টা গৰুৰ দুটাহে আছেগৈ। দেইতাই বিক্ৰী কৰি দিলে।’ হত্যাকাৰী তথা পুতেক দিগন্ত তেলীৰ মন্তব্য।