বহু দিনৰ পিছত ফুটবল খেলপথাৰত দেখা পোৱা গ’ল চাম্বা নৃত্য। হালধীয়া-নীলা জাৰ্চী ধাৰীসকলৰ নৃত্যই মুগ্ধ হৈ পৰিল ফুটবল বিশ্ব। নিৰ্ধাৰিত ৯০ মিনিটৰ শেষত ব্ৰাজিলে দক্ষিণ কোৰিয়াক ৪-১ গ’লত পৰাস্ত কৰি কাটাৰ বিশ্বকাপৰ কোৱাৰ্টাৰ ফাইনেল নিশ্চিত কৰে।
কাটাৰ বিশ্বকাপৰ অন্তিম ষোল্লৰ খেলখনত ব্ৰাজিলে দক্ষিণ কোৰিয়াৰ সৈতে যেন অনুশীলন মেচহে খেলিছিল। দোহা ষ্টেডিয়াম ৯৭৪-ত ব্ৰাজিলে প্ৰথমাৰ্ধত চাৰিটা গ’ল দি আগবাঢ়ি থাকে। দ্বিতীয়াৰ্ধত এছিয়াৰ দলটোৱে এটা গ’ল পৰিশোধ কৰে যদিও তাত কোনো কাম নহ’ল।
খেলখনৰ প্ৰথম সাত মিনিটত বাৰ্চিলোনাৰ ৰাফিনিয়াৰ পাছ-ত গ’লটো কৰে ৰিয়েলৰ তাৰকাই । ১১ মিনিটত কোৰিয়াৰ ইয়ং জাঙে ৰিচাৰ্লিচনক ডি-বক্সৰ ভিতৰত ফাউল কৰে। ফলত ব্ৰাজিলে এটা পেনাল্টি লাভ কৰে। নেইমাৰে স্পট কিক এটাৰে স্ক’ৰ কৰি ব্যৱধান দুগুণ কৰি তোলে।
ৰিচাৰ্লিছনে ২৯ মিনিটত ডিফেন্সিভ মিডফিল্ডাৰ কেচেমিৰোৰ পাছৰ পৰা গ’ল এটা কৰে। এই ছিজনত তেওঁৰ এইটো তৃতীয়টো গ’ল। ৩৬ মিনিটত লুকাস পাকেতাই ৪-০ গ’লৰ পাৰ্থক্য আনি দিয়ে। ব্ৰাজিল ৪-০ ৰ অগ্ৰগতিৰ সৈতে বিৰতিলৈ যায়। বিৰতিৰ পিছত ব্ৰাজিলে আৰু কোনো গ’ল কৰা নাছিল। কোৰিয়াই এটা গ’ল পৰিশোধ কৰে।
১৯৫৪ চনৰ পিছত প্ৰথমবাৰৰ বাবে ব্ৰাজিলে বিশ্বকাপৰ এখন খেলৰ প্ৰথমাৰ্ধত চাৰিটা গ’ল কৰে। ২০১৪ চনৰ বিশ্বকাপৰ পিছত আন কোনো দলৰ এনে উদাহৰণ নাই। সোইবাৰৰ প্ৰতিযোগিতাখনৰ চেম্পিয়ন জাৰ্মানীয়ে ব্ৰাজিলৰ মাটিত তেওঁলোকৰ বিৰুদ্ধে ছেমি ফাইনেলত ৪ টা গ’ল কৰিছিল।
