হাজোৰ বিবাহস্থলীত কুৰুক্ষেত্ৰ! বিয়া চলি থাকোতে আহি ওলাল প্ৰথমা পত্নী; তাৰ পাছত….

হাজোৰ এখন বিবাহস্থলীত কুৰুক্ষেত্ৰ! দৰাৰ পিঠিত পৰিছে ঔকিল! তীব্ৰ উত্তেজনা লাগিল হাহাকাৰ!! কাহিনীৰ খলনায়ক এই দৰাজন হ’ল আশ্রফ হুছেইন খান। ঘৰ গুৱাহাটীৰ সিজুৱাৰীত।

প্ৰথমা পত্নী থাকোতেই আৰু এগৰাকী লাগে আশ্রফক। প্ৰথমা পত্নীৰ সৈতে বিবাহ বিচ্ছেদ নোহোৱাকৈ দ্বিতীয় গৰাকীক বিয়া পাতিবলৈ আহি হাজোৰ বৰ্ণিত এই দশা হল দৰা আশ্ৰফৰ।

বিয়া চলি থাকোতে বৰপেটাৰ পৰা হাজোত আহি বিবাহস্থলীত উপস্থিত হ’ল  প্ৰথমা পত্নী। তাৰ পাছতে লাগিল হাহাকাৰ! বিবাহস্থলী পৰ্যবেক্ষিত হ’ল কুৰুক্ষেত্ৰলৈ।

Also Read: বিদ্যালয়ৰ পঞ্চম মহলাৰ পৰা জাঁপ,মহানগৰীৰ মডাৰ্ণ ইংলিছ স্কুলৰ ছাত্ৰীৰ মৃত্যু

জাৰ্মানীলৈ গৈ আশ্রফ নামৰ এই লম্পটটোৱে প্ৰথমা পত্নীৰ সৈতে যোগাযোগ বন্ধ কৰি দিছিল। তাৰপাছত জাৰ্মানীৰ পৰা ঘুৰি আহিয়ে হাজোৰ বৰ্ণিত ঠিক কৰিলে দ্বিতীয় গৰাকী কইনা!

কথা মতে বিয়াও ঠিক হ’ল কিন্তু বিয়াৰ নিশাই লাগিল পয়মাল। বিবাহস্থলীত উপস্থিত হ’ল আৰক্ষী। বৰ্তমান আশ্রফ হুছেইন খান হাজো আৰক্ষী থানাৰ আলহী!

স্বামী আশ্রফ আৰু পৰিয়ালৰ বিৰুদ্ধে ধন দাবী, শাৰীৰিক-মানসিক নিৰ্যাতনৰ অভিযোগ উত্থাপন কৰিলে প্ৰথমা পত্নীয়ে। কি ভাবিছিল কি হ’ল আশ্রফৰ। আশা দুৰাশা হৈ ৰ’ল।