যোৰহাটত কঠোৰ হৈছে পৰিবহণ বিভাগ,আবকাৰী বিভাগ আৰু আৰক্ষী প্ৰশাসন। দুৰ্ঘটনা হ্ৰাস কৰাৰ বাবে মুখ্যমন্ত্ৰীয়ে হাতত লোৱা পদক্ষেপক লৈ এইদৰে তৎপৰ হৈছে জিলা প্ৰশাসন।
৩১ ডিচেম্বৰ আৰু ১ জানুৱাৰীত যাতে দুৰ্ঘটনা সংঘটিত নহয় তাৰ বাবে ৰাজ্যৰ আৰক্ষী বিভাগক দিয়া নিৰ্দেশৰ পাছতে তৎপৰ হৈছে যোৰহাটৰ তিনিটাকৈ বিভাগ।
হেলমেট পৰিধান নকৰা আৰু মদ্যপান কৰি বাহন চলোৱা সকলক বিহা হৈছে জৰিমণা।
Also Read: হাজোৰ বিবাহস্থলীত কুৰুক্ষেত্ৰ! বিয়া চলি থাকোতে আহি ওলাল প্ৰথমা পত্নী; তাৰ পাছত …
যোৰহাটৰ তিতাবৰ, মৰিয়নীৰ লগতে দেওবাৰে বনভোজস্থলী নিমাতি, যোৰহাট পথত হেলমেট পৰিধান নকৰা বাইক আৰোহী সকলক জৰিমনা বিহাৰ লগতে চাৰিচকীয়া বাহনৰ চালক সকলে সুৰাপান কৰি গাড়ী চলাইছে নেকি তাৰো পৰীক্ষা কৰা পৰিলক্ষিত হয়।
যোৱা সপ্তাহৰ পৰা যোৰহাটৰ সকলো স্থানতেই কঠোৰভাৱে যানবাহন পৰীক্ষা আৰু আইন অমান্য কৰা সকলৰ ওপৰত জৰিমনাৰ লগতে শাস্তি বিহা দেখা গৈছে।
উল্লেখ্য যে সুৰাপান কৰি গাড়ী চলোৱা চালকসকলৰ স্বাস্থ্য পৰীক্ষাৰ বাবে যোৰহাটৰ থানা সমূহত থাকিব এটাকৈ চিকিৎসকৰ দল।
Also Read: গুৱাহাটী মহানগৰীৰ ৱায়াৰলেছৰ পৰা সন্ধানহীন প্ৰাক্তন আই এ এছ বিষয়াৰ পুত্ৰ,চিন্তিত পৰিয়াল
যোৰহাট জিলা পৰিবহণ বিষয়া আৰু যানবাহন আৰক্ষী পৰিদৰ্শকৰ নেতৃত্বত এতিয়ালৈকে জিলাখনত প্রায় ডেৰ কোটি টকাৰ জৰিমনাৰ লগতে তিনিশখনতকৈ অধিক বাহন জব্দ কৰি এক অভিলেখ সৃষ্টি কৰিছে।
