বৃহত্তৰ অসমীয়া যুৱ মঞ্চই বুধবাৰে শিৱসাগৰত বানপীড়িত ৰাইজক সাহায্য বিতৰণ কৰে।
শিৱসাগৰৰ বানমুখ অঞ্চলৰ কেইবাখনো গাঁৱৰ লগতে লংচাই দলংৰ সমীপত ৰাস্তাৰ কাষত অস্থায়ীভাৱে থকা বানপীড়িত ৰাইজৰ মাজত খাদ্য সামগ্ৰীৰ লগতে মাস্ক বিতৰণ কৰে আৰু বান পীড়িত ৰাইজৰ পৰিস্থিতিৰ বুজ লয়।
সংগঠনটোৱে আজি শতাধিক পৰিয়ালৰ মাজত খাদ্য সামগ্ৰী বিতৰণ কৰে।
বৃহত্তৰ অসমীয়া যুৱ মঞ্চৰ সচিব প্ৰধান প্ৰণৱ জ্যোতি সন্দিকৈৰ নেতৃত্বত সংগঠনটোৰ শিৱসাগৰ জিলা সমিতিৰ বিষ্ণু শইকীয়া, প্ৰশান্ত বৰগোঁহাই, বিকাশ কোঁচকে ধৰি যোৱা কেইবাজনীয়া সঁজাতি দলে নাও লৈ গৈ বানপানীয়ে সৰ্বস্বান্ত কৰা আবাল, বৃদ্ধ, বণিতাৰ খবৰ লয়। লগতে কিঞ্চিৎ মান সহায় আগবঢ়ায়।
বান পৰিস্থিতি দেখি বৃহত্তৰ অসমীয়া যুৱ মঞ্চৰ সচিব প্ৰধান প্ৰণৱ জ্যোতি সন্দিকৈয়ে কয় যে এই বানপানী সমস্যাতো ৰাষ্ট্ৰীয় সমস্যা হিচাপে ঘোষণা হ’ব লাগে। যিহেতু চৰকাৰে খনিজ সম্পদৰ ,বনজ সম্পদৰ, লগতে প্ৰাকৃতিক সম্পদৰ গৰাকী হ’ব পাৰে সেয়া অসমৰ ৰাইজৰ বানপানী সমস্যাতো ৰাষ্ট্ৰীয় সমস্যা হিচাপে ঘোষণা কৰিব লাগে।
ইয়াৰ উপৰিও বানপীড়িত ৰাইজৰ জীৱন, ভৱিষ্যত সুনিশ্চিত কৰাৰ দাবী উত্থাপন কৰে। লগতে চৰকাৰে বানপানীয়ে জুৰুলা কৰা ৰাইজক আৰ্থিক সাহায্য, খাদ্য সামগ্ৰী, অত্যাৱশ্যকীয় সামগ্ৰী দিয়াৰ ব্যৱস্থা কৰিবলৈ আহ্বান জনায়।
