কৰিমগঞ্জ জিলাত থকা সীমান্ত সুৰক্ষা বল (বি এছ এফ)ৰ শিবিৰত দেওবাৰে এজন জোৱানে আত্মহত্যা কৰাক লৈ অঞ্চলটোত তীব্ৰ চাঞ্চল্যৰ সৃষ্টি হৈছে।
এই ঘটনাটো সংঘটিত হৈছে কৰিমগঞ্জস্থিত বি এছ এফৰ ৭ নং বেটেলিয়নৰ শিবিৰত।
আত্মহত্যা কৰা জোৱানজন উত্তৰ প্ৰদেশৰ গাজিয়াবাদৰ বিনোদ কুমাৰ গুপ্তা (৪০) বুলি জানিব পৰা গৈছে। জোৱানজন ভাৰত-বাংলাদেশ সীমান্তত নিয়োজিত হৈ আছিল।
ঘটনা সন্দৰ্ভত শিবিৰটোৰ ডেপুটি কমান্ডেণ্টে জানিবলৈ দি কয় যে জোৱানজনে এডাল গছত চিপ লৈ আত্মহত্যা কৰা বুলি জনাৰ পিছতেই স্থানীয় আৰক্ষীক খবৰ দিয়া হয়।
ঘটনাৰ খবৰ পোৱাৰ পিছতেই কৰিমগঞ্জ আৰক্ষী থানাৰ লোক উপস্থিত হৈ মৃতদেহ উদ্ধাৰ কৰি কৰিমগঞ্জ অসামৰিক চিকিৎসালয়লৈ মৰণোত্তৰ পৰীক্ষাৰ বাবে প্ৰেৰণ কৰে বুলি জানিব পৰা যায়।
এই সন্দৰ্ভত আৰক্ষীয়ে কয় যে আমি কোনো ধৰণৰ চুইচাইড নোট উদ্ধাৰ কৰা নাই আৰু তদন্ত অব্যাহত আছে।
