বিচিত্ৰ পৃথিৱীত বহু বিচিত্ৰ ঘটনাই ঘটি থাকে।
তেনে এক ঘটনাই পোহৰলৈ আহিছে। কানাডাৰ এজন লোকৰ ২৭ ঘৰাকী ঘৈণী থকাৰ লগতে ১৫০ টি সন্তান থকাৰ কথাটো পোহৰলৈ অহাৰ পিছতে চাঞ্চল্যৰ সৃষ্টি কৰিছে।
কানাডাৰ ব্ৰিটিছ কলম্বিয়া নিবাসী উইনষ্টন ব্লেকমোৰৰ পৰিয়ালটোত থকা সন্তানৰ সংখ্যা হৈছে ১৫০।
শেহতীয়াকৈ পৰিয়ালটোৰ এগৰাকী সন্তান মাৰ্লিন ব্লেকমোৰে টিকটিকৰ জৰিয়তে প্ৰকাশ কৰিছে এই কথা ।
টিকটক ভিডিঅ’ৰ জৰিয়তে মাৰ্লিনে তেওঁৰ এজন পিতৃ আৰু ২৭ গৰাকী মাতৃ থকাৰ কথা প্ৰকাশ কৰাৰ লগতে ভাই-ভনীৰ সংখ্যা ১৫০ গৰাকী বুলি ছবিসহ প্ৰকাশ কৰিছে।
বিট্ৰিছ কাকত ‘দ্য ছানে’ এই বাতৰি সবিস্তাৰে প্ৰকাশ কৰিছে।
১৯ বছৰীয়া মাৰ্লিনৰ টিকটক ভিডিঅ’টোৰ পিছতে পৰিয়ালটোকলৈ কৌতূহল প্ৰকাশ কৰিছে বহু জনে।
বিশ্বৰ সৰ্ববৃহৎ বহুগামী ব্যক্তি হিচাবে কানাডাৰ উইনষ্টন ব্লেকমোৰক বহুতে অভিহিত কৰিব বিচাৰিছে যদিও সেই খিতাপৰ পৰা হয়তো তেওঁ বঞ্চিত হ’ব।
কিয়নো উত্তৰ পূৰ্বাঞ্চলৰ মিজোৰামৰ জিয়না চানা নামৰ লোক জনৰ পত্নীৰ সংখ্যা হৈছে ৩৯ গৰাকী।
অৱশ্যে তেওঁৰ সন্তানৰ সংখ্যা ৯৪ গৰাকী।
সন্তানৰ দিশৰ পৰা অৱশ্যে কানাডাৰ উইনষ্টন মিজোৰামৰ জিয়নাতকৈ ওপৰত আছে।
