ধূমপান এনে এটা অভ্যাস যিটো অভ্যাস এবাৰ গঢ় লৈ উঠিলে এৰিবলৈ টান। বহু লোকে ধূমপানৰ ফলত হোৱা ক্ষতি উপলব্ধি কৰি ধূমপান ত্যাগ কৰাৰ কথা ভাবে যদিও এৰিব নোৱাৰে।
ধূমপানৰ অভ্যাস ত্যাগ কৰাটো এক প্ৰত্যাহ্বানজনক প্ৰক্ৰিয়া, কিন্তু সঠিক পৰিকল্পনা আৰু দৃঢ় ইচ্ছাৰে ইয়াক সম্ভৱ কৰিব পাৰি।
ধূমপান ত্যাগ কৰাৰ কিছু সৰল উপায় তলত উল্লেখ কৰা হ’ল –
১. এটা নিৰ্দিষ্ট দিন ধৰি আৰম্ভ কৰক
ক) ধূমপান এৰাৰ বাবে এটা তাৰিখ ঠিক কৰক (যেনে: জন্মদিন, বিবাহৰ বাৰ্ষিকী, নৱবৰ্ষ ইত্যাদি)।
খ) এই দিনটোৰ পৰা সম্পূৰ্ণৰূপে ধূমপান বন্ধ কৰিবলৈ চেষ্টা কৰক।
২. নিকটিন প্ৰতিষ্ঠাপন থেৰাপি (NRT)
ক) ধূমপান ত্যাগ কৰিবলৈ নিকটিন গঁঠি (Patches), চুইংগাম, লজেঞ্চ, নেজাল স্প্ৰে আদিৰ সহায় ল’ব পাৰে।
৩. চিকিৎসকৰ পৰামৰ্শ লওক
ক) চিকিৎসকে দিয়া বেব্ৰিয়ান (Varenicline), বুপ্ৰ’পিয়ন আদি ঔষধে নিকটিনৰ প্ৰতি আসক্তি কমায়।
খ) এই ঔষধবোৰ লোৱাৰ পূৰ্বে চিকিৎসকৰ সৈতে আলোচনা কৰিব নাপাহৰিব।
৪. কাৰণ বা পৰিস্থিতি চিনাক্ত কৰক
ক) যিবোৰ ঠাই, সময় বা মানুহে ধূমপান কৰিবলৈ উৎসাহিত কৰে সেইবোৰ এৰাই চলক।
খ) ধূমপানৰ সলনি আন কিবা খোৱাৰ অভ্যাস গঠন কৰক (যেনে: ফল খোৱা, পানী খোৱা আদি)।
৫. মানসিক সহায় লওক
ক) পৰিয়াল, বন্ধু-বান্ধৱীৰ পৰা সহায় লওক।
খ) চিকিৎসকৰ ওচৰত কাউন্সেলিং বা থেৰাপি ল’ব পাৰে। ধূমপানৰ নিচা এৰাত সহায়ৰ বাবে ভাৰতত টোবেকো কুইটলাইন নামৰ এক ব্যৱস্থা আছে। ১৮০০-১১২-৮৭৮ হেল্পলাইন নাম্বাৰত ফোন কৰি টোবেকো কুইটলাইনৰ সহায় ল’ব পাৰে।
৬. ব্যায়াম আৰু ধ্যান:
ক) নিয়মীয়া শাৰীৰিক কাৰ্য্য (যেনে: খোজ কঢ়া, যোগাভ্যাস) কৰিলে মানসিক চাপ আৰু ধূমপানৰ ইচ্ছা কমে।
খ) ধ্যান বা প্ৰাণায়ামে মন স্থিৰ কৰাত সহায় কৰে।
৭. সৰু লক্ষ্য স্থিৰ কৰক
ক) প্ৰথমে এদিন, তাৰ পিছত এটা সপ্তাহ, তাৰ পিছত এমাহৰ বাবে পৰিকল্পনা লওক।
খ) প্ৰতিটো সফলতাৰ বাবে নিজকে প্ৰসংশা কৰক বা মনে ভালপোৱা কিবা কাম কৰক।
৮. পুনৰাবৃত্তিৰ পৰা সাৱধান
ক) এবাৰ এৰি দিয়াৰ পিছত যদি আকৌ ধূমপান কৰে তেন্তে তাৰ কাৰণটো বিশ্লেষণ কৰি পুনৰ এৰাৰ চেষ্টা কৰক।
খ) উল্লেখ্য ৯০% লোকেই কেইবাবাৰো এৰাৰ চেষ্টাৰ পিছতহে সফল হয়।
ধূমপান এৰাৰ পিছত কি লাভ হ’ব জানো আহক –
ক) ধূমপান ত্যাগ কৰাৰ ২৪ ঘণ্টাৰ পিছত ৰক্তচাপ আৰু হৃদস্পন্দন স্বাভাৱিক হয়।
খ) ধূমপান ত্যাগ কৰাৰ ১ বছৰৰ পিছত হৃদৰোগৰ সম্ভাৱনা কমি যায়।
গ) ধূমপান ত্যাগ কৰাৰ ১০ বছৰ পিছত হাওঁফাওঁৰ অৱস্থা ধূমপান নকৰা লোকৰ অৱস্থাৰ দৰে ঘূৰি আহে। সৰু সৰু পৰিবৰ্তনেই ডাঙৰ সফলতা আনে। নিজক বিশ্বাস ৰাখি চেষ্টা অব্যাহত ৰাখক!
